Ureueng Aceh 'oh Peugah Haba Beurôh, Bèk Meu Loghat Jawa

Nasaja Berita - Budaya, Jinoe ka kayém ta deungö lam si uroe uroe 'oh watè peugah haba ureung Acèh ka jai that meu loghat Jawa wate geu meu tutô

Hana meuncéh aneuk ban rayök nyang tuha pih saban sit lagènyan, jadi watè ta deungö khas jih ureueng Acèh ka mulai gadöh bacut bacut seubab ka geu ikot ata awak Jawa.

Leupah that sayang, padahai ureueng Acèh nibak awai cukôp fasèh bak geu peugah haba, pue keuh lam basa Acèh atawa lam basa Arab, tapi jinoe ka mulai meuklidoe.

Ziaul Fahmi, Duta Bahasa Provinsi Acèh neu peugah 'oh watèe ta jak lam kawan ramè atawa ta duk jep kupi lawètnyoe awak geutanyoe jai ka tilo dan meu klidoe bak meu tutô.

"Watè ta deungö ji peugah haba sang sang kön awak Acèh aseuli, padahai o'h ta cèk dari nèk jih kön keuturunan Acèh, cuma jino ka teupeungarôh ngôn ata lua"

Seulaén nyan, Ziaul geubi cit contoh nyang kayém that ta deungö ngön ta baca nyang ka hana seusuai lé lagè ureung Acèh meu tutô.

"Ureueng Acèh geu meu meututô kadang na rôh basa Arab, lagè:

1. Mushalla

2. Shalat

3. Umrah

4. Baraqah

5. Sadaqah

6. Shalawat

Teuma jinoe kayém ureueng kheun

1. Musholla

2. Sholat / Solat

3. Umroh

4. Barokah

5. Sodakah

6. Solawat

Watee ta deungö malè lam até teuh, lheuh nyan weuh lam até watè Acèh ka mulai meunoe."

Seulaén nibak nyan, aneuk mit jinoe pih ka jareung that geu peurunoe basa Acèh lé ureung chik jih, pukeuh kadang malè atawa pakön, nyan hana ta tukön cit.

Tapi bak ta kalön dali sang malè geuh meunyoe geu meu tutô lam basa Acèh tapi padahai basa Indoneh pih hana göt bereh.


Meunan rilieh ata jikirem le Duta Bahasa Faforit Provinsi Aceh thon 2018

Share this post