Umi Ainiyah Nyang Peudöng Dayah Putri Muslimat Samalanga Ka Neuwoe Bak Allah
Nasaja Berita - Bireuen, Innalillahi wa inna ilaihi raji’un, ka neuwoe bak Allah salah sidroe ulama inöng dari Samalanga, nyakni Ummi Hajjah Ainiyah binti Abbas atawa nyang akrab tasapa Mi Blang, peurumoh daripada Ayah Jalaluddin. Nyang peudöng Dayah Putri Muslimat di Samalanga atawa seuréng sit geumeuhei deungön nan Ummi Tu Ahmadallah.
Mi meuninggai di Dayah Putri Muslimah Samalanga Kabupaten Bireuen, uroe Sabtu, (21/12/2019)
“Al marhumah meninggai bunoe beungöh pagi hari ini, (Seulanyan, 21/12) seukitaran poh 07.45 WIB nibak komplek Dayah Muslimat Samalanga,” kheun Tgk. Nur Ihsan atawa nyanh akrab geusapa Teungku Ukhayya, nyakni salah sidroe cuco daripada almarhumah. Sabtu, (21/12).
Meunurôt info dari Teungku Ukhayya almarhumah akan geuseumiyup lam komplek dayah nibak uroe nyoe.
Seumentara Tgk. Azizi Syamsyuddin nyang juga salah sidroe anggota keluarga almarhumah neupeugah, Mi lahé seukitaran thôn 1926.
“Jadi Almarhumah na umu seukitaran 93 thôn (1926-2019). Insya Allah ta seumiyup di sampéng daripada kuburan Ayah Jala (Teungku daripada Almarhumah),” kheun beliau.
Ayah Jalaluddin (Tgk. H. Jalaluddin H. Hanfiah) nakeuh aneuk daripada Tgk. Abi (Syekh H. Hanafiah Abbas), pimpinan Dayah MUDI seugolom almarhum Abon Aziz dan Abu Mudi nyang jinoe.
Aneuk dari Ayah Jala-Ummi Ainiyah na limöng droe, Umi Hulaimah (Peurumoh daripada Waled Nu), Umi Zainab (Peurumoh Teungku Abdul Wahab-Abati), Tu Muhammad, Aminah (Peurumoh Walidi Perlak) dan Ahmadallah.
Meunan Apa baca saknyoe bak Liputanaceh, ata geutuléh lé Teungku Helmi Lamkawe.
0 Response to "Umi Ainiyah Nyang Peudöng Dayah Putri Muslimat Samalanga Ka Neuwoe Bak Allah"
Post a Comment