Jitamong Pancuri Lam Rumoh Cut Zuhra LIDA Indosiar, HP Ngon Honda Jiteumee Baplueng
Nasaja Berita - Bireuen, Mantong teuingat neuh keu aneuk dara Aceh nyang ikot LiDa atawa Liga Dangdut bak tiphi Indosiar? Na lagoe nan ji Cut Rianda Zuhra. Meunyo si Faul dari Bener Meriah, si dek Cut Zuhra dari Bireuen. Nyang meunang dan juara si Faul. Cut Zuhra aleh padum besar, hana that Apa ikuti. Da Mulah sagai rap hanjeut tinggai keu acara nyan.
Boh ka, kon nyan nyang Apa keuneuk peugah. Jadi uroe Jeumeu'at tanggai 10/5 baroesa, rumoh Cut Zuhra nyo jitamong pancuri watee suboh uroe. hai kon rumoh droe jih, rumoh dari Bang Juanda, Yah dek Cut Zuhra.
Jadi ji teume baplung le pancuri budok nyan HP Oppomeneh saboh, honda beat saboh. Hai HP merek Oppo ata merek Cina nyan. Teuman aleh pakon asai meukheun Oppo roh meusambong Oppomeneh, aleh wap teuingat keu awak Jawa sit. Nasaja kiraju.
"Jadi beungoh nyan kamoe pajoh bu saho, seubab ka lam buleun puasa. Lheuh saho meuduek-duek siat dang preh suboh. Teuman lheuh Suboh meuteungeut, meujak eh teuk siat. Sit siat sagai." Calitra bang Juanda
"Sang bak teungeut siat nyan ji tamong pancuri pangeh nyan. Seubab seukitara poh 6, long ka long beudoh lom. Meunan long kalon, pinto keu teuhah, Honda tan na le, dompet long meuteume di miyup jendela, ka abeh meusipreuk asoe dompet." Nyan ban bak geucalitra.
Lumboi plat honda beat warna puteh nyan BL 3624 ZAA, lumboi rungka MH1JFD213CK040995 dan lumboi meusen JFD2E1044682. Lengkap info neukiraju.
Jinoe kasus nyan kalheuh geujak lapor bak peulisi. Tinggai preh mantong.
Alah watee keujadian hana dek Cut Zuhra di rumoh neukiraju. Dek Cut Zuhra teugoh di Jakarta, na acara ngon iphi Indosiar nyan, ka dari uroe Hameh tanggai 9, adak meudeh kon kapaloe teuh, jiblapluen dek Cut Zuhra meusigo ngon jibaplueng honda, ka meutamah gabuk teuh lom. Nasaja kiraju.
Meunan Apa baca bak serambi onlen. Poto bak gugel Apa cok, sang serambi indonesia sit, hana paih meukalon nan web jih bunoe, mata ka geuhon.
0 Response to "Jitamong Pancuri Lam Rumoh Cut Zuhra LIDA Indosiar, HP Ngon Honda Jiteumee Baplueng "
Post a Comment