P'uep Daih! Acara di UIN Ar Raniry Ka Lagee Konser di Lua Nanggroe
Nasaja Berita - Banda Aceh, Rupajih malam Aleuhad baroesa (12/10/2019) na acara konser bak UIN Ar- Raniry. Acara konser nyan nakeuh salah saboh mata acara lam rangkaian acara penutupan Arraniry Creative aFair, atawa Pameran Kreativitas kampus UIN Ar Raniry nyang ka jalan seulama lhee uroe, peut malam.
Baroesa bak tanggai 9 buleun 10 Pak Plt, Gubernur Aceh, Nova iriansyah nyang buka acara. Seudang nyang top acara malam nyan nakeuh pak Rektor. Prof Warul Walidin.
Apa baro meuteupu na acara nyan lheuh karu awak nyoe dum bak pesbuk, jipeugah "Gawat that ka UIN, ka lagee di lua nanggroe. Lagee lam diskotik kiraju."
Lheuh nyan meu Apa mita teuk info, salah saboh jih bak Sinarpost.com nyang na peu ek berita nyan. Lam berita nyan jituleh, alumni UIN icaih leupah na keu model acara nyang meunan. ka hana yum le UIN dan hana meupeutimang le nan Ar-Raniry seulaku nan salah sidroe ulama rayek di Aceh meunyo nyan meunan mdel buet mahasiswa lawet nyoe.
Salah sidroe alumni, Azwir Nazar, bak statuih pesbuk na jituleh nyang leubeh kureung meunan sit. Bah pih na jituleh keumungkian,"kadang mahasiswa nyoe peurele hiburan sit, jak goyang-goyang keunan." Teuman kon lam lagee nyan basa jituleh, leubeh sopan lom. Teuman meunyo ta peu aceh, han paih kiraju meuseu han simban nah. Si goe-goe peurele sit beu simban, mangat meurasa.
Memang na lam video nyang jibagi le awak nyoe bak pesbuk (han jeut Apa donlod) jigiyang awak nonton meukachuk kiraju. Jikrie-krie alah ma ei teuh. Lagee kon di Aceh.
Lam berita Sinarpost.com na meupeugah bahwa na salah sidroe panitia, nyang peugah bahwasajih, hana lagee lam video keujadian jih. Penonton agam ngon inong hana meujampu, meupisah. Lom pih bacara nyan ka na idin dari pihak kampus. Nyan ban kiraju.
Teuman nyang jeut keu soalan meunyo mungken ta soal pih nyan, meunyo han mungken kakeuh han, "Pu keuh idin nyang geubrie nyan le pihak kampus, nakeuh idin untuk jak chen-chen dan acara model nyan, atawa idin kiban?" Nyan nyang hana jeulaih lom.
Nasaja kiraju peukateun di awak geutanyoe. Teuman pakon le that meunyo ilee lam berita kalinyoe. Mumang ureung-ureung baca. teuman adak pih mumamng neubaca ju. Meunyo kon droeneuh nyang baca, tan soe baca kiraju. Nyan ka meunyo lom. That paloe biet.
0 Response to "P'uep Daih! Acara di UIN Ar Raniry Ka Lagee Konser di Lua Nanggroe"
Post a Comment