Rocky Gerung Hana Jadèh Trôk u Langsa, DEMA: Na Nyang Hawa Langsa Beubangai Sabé
Nasaja Berita – Banda Aceh, Salah sidroe tokoh nasional nyang leupah brat terkenal seulama masa piléh presiden baroesa, Rocky Gerung nyang jipeugah lé awaK nyoe seubago peungamat peuliték hana jadèh trôk u Langsa. Padahai seugolom jih, bahkan ka trép ka info Rocky Gerung nyan na jadwal brie seminar nasional bak kampuih IAIN Cot Kala, Langsa.
Teuman baroe lam uroe Aleuhad trôk berita nyang bahwa Pak Rektor IAIN Langsa nyan hana meubrie idin acara meunyo trôk Rocky Gerung nyan, deungön alasan si Rocky Gerung nyan le pro kontra, dan jeut keu karu ureung eunteuk, hana meupu cap.
Meunan kira-kira meukeusut dan inti dari alasan Pak Rektor. Dan Pak Rektor watè cok keuputusan nyan, kalheuh geu rapat ngön pimpinan. Dan lom pih nyan nakeuh masukan dari tokoh-tokoh laén.
Teuman di Rocky Gerung, bunoe ka jituléh statuih bak twitter. Apa teupu meunan bak inseutagram ata awak nyoe bagi.
Teuntè jih lam basa Indoneh jih teumuléh. Teuman seubab Nasajaberita.com meupeuék berita lam basa Aceh, kakeuh suah balék bahsa Rocky meubacut, asai beusaban makna.
Pu jipeugah teuman lé Rocky Gerung, nyang terkenal that bak ILC, sampé jimeuhei Prof le Karni Ilyas, bahpih kuliah tamat S1 sagai nyan?
"Kawan-kawan di Aceh, hari ini Saya batal ke Langsa. Salam Akal Sehat:)). Rocky Gerung Dilarang di Langsa DEMA IAIN Langsa: Ada Pihak Yang Inginkan Kota Langsa Terus Dalam Kedunguan." Nyan ban lam basa Indoneh.
Lam basa Aceh jih, "Na pihak di Langsa nyang hawa beubangai sabé gara-gara jak tham trôk Rocky Gerung u Langsa." Paih ateuh baréh paih kiraju.
Meu'ah takheun, bahpih hanjeut takheun, pu keuh hana lé ureung caröng di Langsa nyan? Nasaja kiraju. Meunyo kön buet Rocky Gerung, han jitém caröng, bangai sabé Langsa nyan. Meubuet.
0 Response to "Rocky Gerung Hana Jadèh Trôk u Langsa, DEMA: Na Nyang Hawa Langsa Beubangai Sabé"
Post a Comment