Kagura! Pak Rektor IAIN Langsa Tham Rocky Gerung Isi Acara
Nasaja Berita – Langsa, Institut Agama Islam Negeri (IAIN) Langsa kalinyoe ka jitulak atawa hana jadèh meutueng sidroe jamè daei Nasional nyang that meusyrhu seulama masa pemilu baroe. Nyak ni peungamat peulitek, Rocky Gerung, nyang rencana jih keuneuk peugah haba bak acara seminar Nasional di kampus nyan, uroe nyoe, uroe Seulanyan (14/10/2019).
Lheuh duek rapat pimpinan, meucok sabih keuputusan nyang bahwa hana jadèh meubrie ijin keu panitia untuk peuduek acara seminar nyan meunyo na jijak Rocky Gerung nyan.
"Meunyo di lua kampus ,silahkan, hana meudalèh, seubab nyan kön wewenang kamoe." Kheun Rektor IAIN Cot Kala Langsa, Dr H Basri, MA.
Teuman geubrie penjelasan sit lé Pak Rektor pakön han geuteurimöng Rocky Gerung, bahkan han geubrie ijin acara meunyoe Rocky Gerung nyan hadir jipeugah haba lam seminar nyan. Seubab jih na pro kontra atawa dawa-dawi dari masyarakat. Dan na nyang brie masukan sit keu pihak kampus untuk tulak atawa hana meutueng pengamat peuliték nyan jak brie seminar di kampus IAIN Langsa.
“Ateuh dasar dan alasan le that beda pendapat dan untuk ta hindari bèk sampé na keujadian nyang hana ta harap ,maka pimpinan IAIN Langsa kakeuh hana meuteurimöh kehadiran Rocky Gerung." Kheun Pak Basri.
Teuman pu keuh jadéh acara seminar nasional nyan deungön hana jadèh trôk Rocky Gerung, Pak Rektor hana geuteupu sit. Nyan pulang bak awak Dewan Eksekutif Mahasiswa (Dema) IAIN Langsa seulaku panitia.
“Nyan lon hana meuphom, ci hubungi panitia, pu keuh na jadèh acara." Kheun Pak Basri.
Nasaja kiraju. Padahai lam padum uroe u likôt na berita, bahwa Rocky Gerung nyan ka jikonfirmasi ,bahwa akan jijak dan hadir u Langsa. That na teuh, lheuh Rocky peugah jak, ka han geubrie jak lé poe rumoh.
0 Response to "Kagura! Pak Rektor IAIN Langsa Tham Rocky Gerung Isi Acara"
Post a Comment