Hoeka Awak Pula Ganja di Aceh, Jeh Selandia Baru Teungoh Peurle Ureung
Nasaja Berita - Selandia Baru, Sideh di lua nanggroe teungoh brat that jikarat peureule ureung nyang meuphom masalah meutani ganja. Salah saboh perusahaan di Selandia baru, teupat jih di Auckland teungoh jimita ueung nyang jeut duk bak kureusie menejer deungon latar belakangan keumampuan ureung pula ganja.
Peurusahaan nyan nakeuh saboh peursahaan medis Rua Bioscience nyang na di Selandia Baru blah rot timu. Awak nyan perusahaan phon nyang na di nanggroe nyan nyang meureumpok ijin untuk pula ganja seubago ubat.
Perusahaan nyan teungoh jimita ureung untuk peumaju bisnis jih. Ka mulai jiiklan rata sagoe. Lam saboh situs berita Stuff, nibak uroe Jeumeu'at (11/10/2019) baroe, ji peugah awak mnyan mita manajer nyang akan meupeujak buet untuk pula ganja.
Perusahaan nyankon jimita nyang cilet-cilet, tapi nyang ka beutoi ahli lam bideung pula ganja.
Adak meujeut beu na ijazah gelar bak jurusan hortikultura dan na pengalaman lhee thon lam pula ganja.
Eunteuk buet manajer nyan jiaudir dan jiawasi padum na peng tamong atawa peng teubiet.
Peurusahaan laen nyang teungoh mita awak keurija nakeuh Helus Therapeutics, awak nyan na peurle ureung lhee kali lipat dari nyang ka na. Sang jeut ta beurangkat keudeh kalinyoe. Sinoe di nanggroe pih hana buet seulaen meuupat bak keude kupi neukiraju. That na teuh.
Nyang peunteng beu meupu dan meu'oh kiban aturan nyang na bak nanggroe gob, teurutama bhaih kiban ijin jeut pakek ganja keu ubat nyan Nyang pasti beu na resep dari doto. Meuhan han keumah, reuneng ureung ubee na.
Atawa kadang soe na meuturi sideh, ci pakat keurija sama ju. Soe teupu, jeut ta kirem ganja Aceh. Pu sit jipeugah ganja tanyoe lumboi sa di donya.
0 Response to "Hoeka Awak Pula Ganja di Aceh, Jeh Selandia Baru Teungoh Peurle Ureung"
Post a Comment