Lheuh Keunöng Tampa, Syaridin Jinoe Duek Keupala Kelola Sumber Daya Manusia
Nasaja Berita – Banda Aceh, Göt that jai peujabat eselon II di ligkungan Poemerintah Aceh nyang ka geumutasi lé pak Nova Iriansyah seulaku Plt Gubernur Aceh neukiraju bak uroe Seulanyan (2/9/2019) baroe.
Acara cok sumpah meuikrar seutia ateuh jabatan nyang barô nyan seurta.geulantik ureung bak jabatan barô nyan sidéh di geudông Anjong Mon Mata, di likôt Pendopo Gubernur dan di Aula Serbaguna Kantô Gubernur. Jadi na dua pat teumpat jih.
Na rôh lam kawan peujabat nyang meugantoe nyan nakeuh Pak Syaridin, nyang awai bak Keupala Dinaih Pendidikan Aceh. Kiban han neuturie roh. Baroesa ban viral berita beliau nyan keunöng teupuek bak si Benny (nyang jinoe lam peunjara 15 uroe).
Teuingat neuh kön. Pah geuwoe dari acara O2SN di Lhong Raya, ka jiprèh geuh lé Benny nyan hinan ba rinyeun. Thupp jiteupuk sigöe, alah göt geupasang kuda-kuda, meuhan ka meupula neukiraju. Memang na hie teuga latihan awai Pak Syaridin bak pasie laôt Jangka.
Nyankeuh nyan jinoe beliau ka geuduek bak posisi barô seubagoe keupala BPSDM (Badan Pengelola Sumber Daya Manusia) Aceh.
Nyan ka cocok Apa rasa, seubab baroesa nyan keujadian di kantô dinaih nyang teumampa meunan hana meuhie na pendidikan. Teuman meunyo bak Kelola Sumber Daya Manusia, meunurôt nyan ju, kiban nyang paih lagè sumber daya nyangkeuh meunan.
Geupeugah lé Plt Gubernur Aceh Nova Iriansyah, geuseungaja sit gantoe ureung duek mangat meutamah segar lam organiasi Pemerintah Aceh, tujuan mangat trôk cita-cita lagè masa kompanye awai, Aceh Hebat.
Meunan Apa baca bak Dialeksis bunoe uroe, padahai berita ka baroe ka. Nasaja kiraju. Tapi adak beurangkaban teuingat keu calitra Azhari Cage bacut, lheuh keunöng tinju jeut ukeu ketua tinju. Nyoe lheuh keunöng teupuk. Ka jeut keu keupala kelola sumberdaya manusia. Memang bèrèh that calitra, keujadian dan nasib daripada peujabat di Aceh neukiraju.
0 Response to "Lheuh Keunöng Tampa, Syaridin Jinoe Duek Keupala Kelola Sumber Daya Manusia"
Post a Comment