Brat Buet! Lam 5 Uroe, 168 Boh Keundraan Keunöng Tilang i Bireuen
Nasaja Berita – Bireuen, Satuan Polisi Lalu Lintas (Polantas) Polres Bireuen lam limöng uroe nyoe ka jidrop 168 boh honda ngön moto nyang meulanggar hukôm lalu lintaih di wilayah hukôm Kabupaten Bireuen.
Kön mayang, leupah jai 168 boh nyan hai lam 5 uroe. Nyan lam masa operasi Patuh Rencong 2019. Teuman hana ji jak drop mandum, han löt leun mapolres eunteuk. Jadi drop lam makna jôk surat tilang, na sit drop suah keubah honda sinan.
"168 ôn surat tilang ka ta bagi keu awak nyang meulanggar, mangat jra jih dum ureung-ureung nyang hana patuh keu aturan lalu lintaih." Khrun Sandy bunoe uroe Lasa (3/9/2019).
Geupeugah lom Satlantas Polres Bireuen akan geucok tindakan geu pelanggar-pelanggar lalu lintaih sampé masyaarakat nyoe beujipatéh dan beujiikôt, seubab sit atra ka geuteupu, nah.
"Bahwasajih ta cok tindakan meunan nakeuh cara peulis untuk peukureung angka kecelakaan bak jalan dan untuk ta jaga ketertiban lalu lintas dan beulancar. Meunan geupeujeulaih lé Pak Sandy nyan.
Pihak peulisi seubeutôi jih sabé meu upaya meubrie sosialisasi dan edukasi (meupeugah dan meupeureunoe) masyakat dark awai thôn uroe yan sampe pertengahan thôn. Dan jinoe ka trôk watè ta cok tindakan, bah pih meuhie represif meunan mangat teudöng hukôm.
Apa kira pih ka beutôi nyan. Ka rap si thôn ka geupeugah-peugah dan geupeureunoe ureung. Jadi jinoe kajeut peutimang hukôm. Seubab meunyo na nyang langgar, nyan ulok-ulok nan jih. Teuman meunyo tuwöe sigöe-göe nyan biasa.
Eunteuk ukeu teuman cara geu razia ureung macam-macam, pu keuh geu préh bak simpang, atawa geupeucrok ngön honda patroli, atawa kiban. Le model bak cara untuk peuteupat ureung. Asai hana timang, geutilang ju.
“Harapan kampenakeuh agara masyarakat Kabupaten Bireuen nyoe beupatuh keu atuan dan hukôm deungön sadar bak geuta'a keu aturan lalu lintaih bak jalan. Kön gara-gara yöe keu peulisi atawa yöe ditilang." Nyan ban geutôp haba lé Pak peulisi nyan.
Meunan Apa baca bak AJNN nyang geutuléh lé Kak Sarina seulaku jurnalieh sinan.
0 Response to "Brat Buet! Lam 5 Uroe, 168 Boh Keundraan Keunöng Tilang i Bireuen"
Post a Comment