Pu Pap! Kalinyoe Moto Ambulance PMI Meulabôh Nyang Gadöh Bhan
Nasaja Berita – Meulabôh, Nyoe ka brat meupeunyakét di pancuri budôk nyan, trôk bak bhan moto ambulance ka jijak cue ka hana beutôi lé. Nyan teukeudi na ureung sakét nadak atawa pu alèh kön ka jeut keubuet.
Hom lah meunyo ata keupala dinaih PU lagè baroesa atawa supoe lah laén. Kön beurarti jeut ceumeucue, teuman meunyo trôk bak ambulance jicue nyan ka brat peunyakét. Nyan meunyo ta teumè, ta ikat meuta gliek-gliek teuk lhèè uroe lhèè malam bèk ta piyôh-piyôh. Beukeumah jih hinan, beu han ék jikhém lé nah.
Nyan neukalön ka esmosi Apa bak tuléh berita. Adak meudéh sidroe jurnalieh nyang profesional hanjeut meunoe. Teuman seubab sinoe Apa rawi berita lagè haba lam keudè kupi kakeuh ta peujeut ju nah. That na teuh kiraju.
Keujadian ji cue asèt moto ambulance ata PMI Aceh Barat nyan keujadian jih bak uroe Lasa (3/9/2019) baroe.
Moto nyan geuparkir bak geudông PMI tuha, di gampông Suak Nie, Johan Pahlawan, Aceh Barat. Teuman bak geudông nyan sit tan soe tinggai lé.
Seudang kantô PMI barô jinoe bak jalan Sisingamagara, Meulabôh.
Geupeugah lé keupala Markas PMI Aceh Barat, Teguh Wahyudi, na 5 boh moto PMI nyang abéh jicue onderdil jih. Mulai dari bhan sampé seutiô. Bahkan kureusi jok moto pih jibaplueng lé pancuri budôk nyan.
Na bhan meu 16 boh gadöh ngön-ngön pelak. That na teuh kiraju.
Nyoe pat na rinci jih barang nyang jibaplueng lé pancuri budôk nyan:
1. Moto Nissan Frointier nyang gadöh:
- Setir (seutiô)
- Tape (tip)
- Bangku depan 2 unit (kureusi mandua)
- Kompresor ac
- Kopling
- Pintô likôt moto.
- Kaca dan tutôp pintô dlam.
2. Moto Daihatsu Hiline nyang gadöh:
- Pelak ngön bhan 4 boh.
3. Moto Toyota Kijang nyang gadöh:
- Pelak + Bhan 4 boh.
- Setir (seutiô).
4. Moto Ambulance nyang hilang meliputi:
- Pelak + Ban 2 boh
- Setir.
- Bangku Depan 2 (kureusi jok keu).
5. Moto Truck Singapore:
- Radiator
Meunan Apa baca bak Serambinews.com beuklam ata geupeuék lé bang Rizwan seulaku gopnyan nyang brie laporan.
Teuman bèk ilè pakön hinan geujak parkir, bak geudông nyang hana ureung tinggai. Pu keuh hana geungui lé di moto nyan dum.
Meunyo hana geu ngui lé, daripada teudöng sagai hinan, kakeuh hana jadèh beungèh teuh keu pancuri sang, seubab daripada mubazir hana soe ngui, jibeureukah ju, bak jipikè keu brôk-brôk. Nasaja kiraju.
Buet nyang hanjeut keu buet dum. Mumang Apa-Apa bak tulég berita neukiraju. Lheuh icaih teuh keu pancuri, bak ujông ka icaih teuh keu awak PMI teuman, hana meupat-pat geujak peudöng moto. Tanyoe meuitangèn pih han ta teujeut peudöng beurangkahoe. Moto keuh? Nasaja kiraju.
Kakeuh pulang pikè bak ureung baca, keu soe nyang cocok icaih teuh model nyoe berita. Asai bèk icaih neuh keu Apa mantöng. Tan soe tuléh lé berita eunteuk. Nasaja kiraju.
0 Response to "Pu Pap! Kalinyoe Moto Ambulance PMI Meulabôh Nyang Gadöh Bhan"
Post a Comment