That Geusoh Min Dih Pancuri Honda, Baro 5 Uroe Teubiet Peunjara Langsong Mulai Keurija
Nasaja Berita - Meulaboh, Leupah bereh memang seumangat keurija dek gam meutuwah nyo saboh. Keubiet ji meuamai haba Presiden, kerja, kerja, kerja. Teuman keurija hana paih, hinan ji duek salah. Di Apa ka rap sibuleun meucok cuti keurija bak Nasaja Berita, di dek GAM nyo, 5 uroe baro jiteubiet dari peunjara langsong jikeurija keulayi.
Dek Gam nyo inisial jih FD, muda that mantong 24 thon umue. Alah kon FA inisial, meuhan ka roh teupike useutad jeh. Meunyo FD hana ta teupu nan lengkap. Awak gampong Geuleubok, Kluet Seulatan, Aceh Seulatan. Ji cue honda bang Mawardi ureung gampong Suak Timah, Samatiga, Aceh Barat.
Honda Vixion ji cu, bah pih Vixion nyan Yamaha, mangat ta kheun Honda sit.
Keujadian ji cu honda nyan baroe supot Sabtu seukitaran jeum lheuh Asa. Honda nyan padahai di keu rumoh geu peudong. Aneuk kunci hana geu suet, seubab meunurot rencana tamong siat, lheuh nyan geu beurangkat teuma hoe laen lom. Kadang sit geujak cok helem, atawa geujak toh 'iek. Langsong ji teume ramah.
Dari dalam rumoh leumah geukalon, ka jibaplueng honda, meu geu uek teuk, geusurak ubee raya, ukuran sue karap sabee ngon sue pengumuman di meunasah geupakek TOA.
Teuman kon ka geudeunngo leu ureung lingka. Geupagap ju. Ji teupuk abeh buet kiraju. Ukuran nah han lot kupiah ji tampo le warga. Ka suah salop droe ngon eumpang sang, seubab han lot le geu sok kupiah.
Awai si FD nyo jibeuruekah le peulisi dan ji theun lam peunjara na eubeh kureung siploh buleun. Baroe lheuh uroe raya jiteubiet peunjara bak tanggai 11, nyoe ka suah tamong keulayi. Leubeh kureung 4 thon jatah duek lam glap sang bak ta eu hie.
Nyan meunan calotra pak Kapolsek Samatiga ata Apa baca bak Beritakini nyang geutuleh le Bang Masrizal.
0 Response to "That Geusoh Min Dih Pancuri Honda, Baro 5 Uroe Teubiet Peunjara Langsong Mulai Keurija"
Post a Comment