GAMS Aceh Top Acara Safari Ramadhan di Bireuen, Buka Puasa Deungon Aneuk Yatim
Nasaja Berita - Bireuen, Closing atawa peunutop acara Silaturahmi Gerakan Aneuk Muda Sosial (GAMS) Aceh Berbagi neuduek di DPW Bireuen. Seugolom jih karap mansaboh Aceh ureung nyan peuget acara. phon that sideh di Aceh Timu, di Peureulak bak tanggai 12/5 di aula kecamatan Peureulak.
Lheuh di Aceh Timu geupeuget sideh di Aceh Utara teuman bak tanggai 18/5 geucok teumpat di aula SMKN 2 Lhokseumawe.
Abeh dari sinan di Aceh Utara gebalap keudeh u Langsa teuman, tanggai 22 Mei, geucok teumpat bak geundong KNPI. Tanggai 31 geupeutroh keudeh u Aceh Tamiang teuman. Abeh lampoh geurawon kalinyo neukiraju.
Aneuk Muda pu tanyong, asai na minyeuk honda atawa minyeuk moto, beurangkaho leupah jak. Pu lom meunyo acara buka puasa bersama dan silaturrahmi. Sit ka galak droe.
Aneuk muda nyang jroeh kon jak hura-hura, tapi jak berbagi, buka puasa sajan aneuk yatim.
Akhee calitra, uroe Aleuhad tanggai 2 Juni baroe suah piyoh di Bireuen untuk top acara. Geucok teumpat ssideh di Jangka, bak aula serba guna kecamatan, sinan geubuka puasa bersama aneuk yatim.
Geupeugah le Ketua DPP GAMS Aceh, Riski Maulizar meulali lidah dari ketua DPW GAMS Bireuen, M Ilham Sakubat, teurimonggaseh that keu mandum rakan dan syedara nyang ka ikot partisipasi lam acara safari GAMS Aceh seulama buleun puasa nyo.
Ka geubantu ini itu pulan pulen untuk jeut a berbagi sajan aneuk yatim nyang na sipat sapat mansaboh Aceh, bah pih hana mandum sit. Tapi intijih di berbagai kabupaten kota meunyoe kheun awak nyo lam basa Indoneh.
Geuharapkan, acara lagee nyoe rupa nyakni berbagi kasih dan peduli keu aneuk yatim nyo, beuleubeh jroeh lom bak thon dan kesempatan ukeu teuma, supaya leubeh rayek lom manfaat.
0 Response to "GAMS Aceh Top Acara Safari Ramadhan di Bireuen, Buka Puasa Deungon Aneuk Yatim"
Post a Comment