Kajeut Keu Napi, 3 Droe ASN Pidie Jaya Mantöng Teurimöng Gaji Bak Poemerintah
Nasaja Berita - Pidie Jaya, Na 3 droe napi (nara pidana) nyang na di Pidie Jaya mantöng teurimöng gaji dari poemerintah seubab man 3 droeureung nyan ASN (Aparatur Sipil Negara) atawa nyang seuréng geutanyoe kheun PNS.
Man 3 droe ureung nyan ASN lam lingkungan poemerintah Kabupaten Pidie Jaya.
Nyang phôn Pak Fauzi, peujabat Pengelola Teknis Kegiatan (PPTK) RSUD Pidie Jaya, lheuh nyan Rajab, Sekretaieh BPBD Pidie Jaya. Ureung nyan mandua teulibat kasus korupsi peungadaan barang bak rumoh sakét.
Watee jisidang di pengadilan Tipikor Banda Aceh, hakim jiputuskan hukoman sithôn sapoe keu ureung nyan dua.
Fauzi ngön Rajab nyo sampoe inoehat mantöng teurimaöng gaji punoh dari poemerintah, tapi awak nyo dua ka lam proses jiteubiet surat pemecatan." Meunan kheun Pak Sekda Pidie Jaya, Pak Abdurrahman bak awak AJNN lam ruang keurija geuh, uroe Seulanyan (24/6) bunoe uroe.
Seudangkan sidroe teuk Pak Mansur Ibrahim, mantan Kabid Logistik BPBD Pidie Jaya. Gobnyan jivonis le hakim 4 thôn peunjara, seubab lam sidang teubuktikan gobnyan salah watèè bagi breuh bantuan bencana Pidie Jaya awai. Kasus penggelapan beras bantuan. Teuman penggelapan hana ta tu'oh peu Aceh poh. Peumeusom han paih, peu supôt leubèh lom. Nasaja kiraju.
Di Pak Mansur nyo gaji gobnya cuma seuteungoh sagai ji bayeu le poemerintah jinoe, 50% dari gaji pokok. Seubab statuih gobnyan cuma diberhentikan sementara. Meunan calitra Pak Sekda.
Satnyo lheuh seumayang Mugreb Apa baca bak AJNN ata geutuleh le Muksal Mina seulaku jurnalieh di portal berita nyan. Seip mangat jeut keu PNS, adak ka lam penjara mantöng na gaji. NaSaja kiraju.
0 Response to "Kajeut Keu Napi, 3 Droe ASN Pidie Jaya Mantöng Teurimöng Gaji Bak Poemerintah"
Post a Comment