PSI: Fatwa MPU Aceh Teukaét Peuhareum Game PUBG Berlebihan
Nasaja Berita – Banda Aceh, Partai Solidaritas Indonesia (PSI) kalinyoe ka ji peuteubiet saboh seutetmen (statement) teukaét fatwa dari MPU Aceh. Ji peugah le awak PSI nyan fatwa MPU nyan berlebihan, dan meukalheuh ju (meunyo ta peu Aceh watee ta baca keusimpulan haba awak nyan), seubab na jipeugah le awak nyan, MPU sang meuhie hana jipeugot penelitian psikologis. Hana jiteupu le awak nyan, rap rata keude kupi, psikologi awak meu'en Papji budok nyan, bak babah jih anjing babi dum jiteubiet.
Juru bicara PSI lam bideung Teknlogi Informasi, Sigit Widodo jipeugah argumen atawa alasan dari MPU Aceh nyang bahwa game PUBG nyan jipeurusak mental dan prilaku ureung meu'en game harus ék geubuktikan le MPU seucara ilmiah.
"Pu keuh MPU kalheuh ji peugöt penilitian kejiwaan teuhadap awak meu'en PUBG? Meunyo ka lheuh padum droe sampel, sampe MPU jiteujeut cok keusimpulan meunan?" Kheun si Sigit Widodo
Meunurot awak PSI, memang game nyan kadang hana cocok keu aneuk miet, tapi meunyo jak peuhareum meunan hana cocok bak ulee awak PSI nyan.
Seubab jipeugah le awak PSI nyan saban lagee ibarat film dewasa (17+) ji nonton le aneuk miet. Kön film nyang salah tapi aneuk miet nyan nyang goh lom troh watee nonton.
Sayang teuh keu awak peugöt game. Nyan rhöt seumangat awak peugöt game di Indoneh, meunyo ka geujak peuhareum meunan.
Meunurot awak PSI daripada geupeuhareum meunan leubeh get meunyo awak Kominfo ji teutapkan batas usia untuk meu'en game nyan meulalui IGRS (Indonesia Game Rating System). Jadi watee keuneuk meu'en game, lakee batas umu sampe padum. Nyan leubeh efektif. Bah pih IGRS nyan jinoe hana efektif lom. Jadi meunurot awak PSI leubeh get meunyoe awak Kominfo leubeh peukeutat dan optimalkan IGRS. Nyan solusi jih.
Meunan lah keusimpulan dari haba awak nyan lam basa Indoneh lam rilis awak nyan. Apa baca bak AJNN bunoe lheuh Asa. Meuhan neu bacca keudore bak meutuleh AJNN nyang wareuna ijo langet nyan. Neucukeh ju hinan, neukalon kiban asoe rilis resmi jih.
Sang bak Apa kalön hie, kalinyoe ramee aneuk muda saboh ide ngön ide dari awak PSI nyang that ji benci le awak Aceh masa pemilu baroesa. Nasaja kiraju, ka saboh pông ngön awak PSI jinoe meunyo ka meu urusan ngön game. P'uep daih kiraju.
a game released with great versions, when I play the game I feel very happy, in addition, you can also play Stick War Legacy Mod Apk with a similar way of playing, but with a higher appeal
ReplyDelete