Habib Rizieq Shihab Pakat Umat Ban Sigom Indonesia Jak Aksi 266 u Jakarta
Nasaja Berita – Banda Aceh, Baroe uroe Seulanyan tanggai (24/6) na video bak yutub nyang ka beredar dari akun Front TV nyang bahwa habib Rizieq Shihab nyang jinoe teungöh di Arab Saudi geupakat umat dan warga Indoneh untuk trön keulayi bak jalan, peugöt aksi kawai sidang sengketa Pilpres nyang teungöh sidang bak Mahkmah Konstitusi. Habib Rizieq geupakat trön u jalan nibak uroe Rabu (26/6) singöh.
Video Habib Rizieq nyan seubeutôi jih ka meu aplod bak uroe Aleuhad (23/6) teuman Apa barô bak uroe seulingöh jih barô meuteupu.
"Kamoe dari Front Pembela Islam (FPI) dan Gerakan Nasional Pengawal Fatwa (GNPF), meunan sit dari alumni Gerakan 312 meupakat ubee na umat se-Indonesia untuk jak ya trön beurame-rame, saban-saré, sabeé sajan, untuk ta kawai ubéë na sidang Mahkamah Konstitusi." Kheun Habib Rizieq lam video nyan.
Sinoe neucukèh neu Nonton Video Nyan. (Eunteuk Apa pasang Video langsông lam berita)
Dan Habib pun geusampaikan bela sungkawa, ucapan seudéh ateuh musibah para peutugaih nibak pemilu kalinyo nyang le that meuninggai donya. Dan meuhie hana wajar seubab meuninggai.
"Ubee na umat Islam ta peuduek Tahlil Akbar 266 di MK untuk ta samadiyah, ta kirém pahala keu 500 droe peutugaih pemili nyang meuninggai seucara hana wajar dan keu 10 droe.syuhada nyang meuninggai, ji pôh seucara biadab le aparat. 4 droe diantara nyan, mantöng aneuk miet." Sambông Habib Rizieq. Teuntè lam basa Indoneh geupeugah.
Habib geuharapkan para hakim bak MK nyan beujicok keuputusan nyang adéë dan beuna. Seureuta aksi trön bak jalan di keu MK singöh beu aman, dan terkendali.
"Mahkamah Konstitusi hana ji peuputôh saboh hukôm keucuali deungön adéë, beuna, dan beutôi-beuôi jipeunuhi rasa keuadilan bagi rakyat dan bansa Indonesia."
"Teristimewa nibak uroe Rabu (26/6), insya Allah kamoe ubéë na mandum aktivis Front Pembela Islam (FPI), GNPF Ulama dan mandum elemen PA 212, ormas Islam dan kebangsaan, insya Allah akan meutrön bak jalan saban-saré untuk peugöt aksi super damai, tertib, nyang disiplin, gléh, santun, nyang ramah, nyang aman dan nyaman di seukitaran lokasi Mahkamah Konstitusi."
Bak portal berita Akurat.co na sit ji peuék berita nyo baroe supôt. Nyan ban haba Apa rawi. Peusan dari Apa nyang na lam kawasan nanggroe meudelat Aceh Darusalam. Meunyo na ureung Aceh nyang keuneuk jak ikôt u Jakarta, beuhati-hati that. Beuseulamat bak jak, dan beutrôh neu woe. Apa meulakè oleh-oleh poto monas ngön seumijid istiqlal sion, neutuléh "Apa pajan leupah keunoe ngön Da Mulah?" Nasaja kiraju.
0 Response to "Habib Rizieq Shihab Pakat Umat Ban Sigom Indonesia Jak Aksi 266 u Jakarta"
Post a Comment