Di Takengon Awak Rampok Makcik Meukat Gulee Jihambo Moto Tronton
Nasaja Berita - Gayo, Rusmiati, umu 57 thon, ureung gampong Kede Lah, Pegasing, Aceh Tengah. bah pih ka tuha, tapi teutap gigeh geukeurija demi biaya udeep, bek sampe geujak meugaee bak gob.
Jipoh le angen malam, seugolom suboh ka geujak ba gulee u pasai. Pu lom di Takengon, lam tuleung teuh meukhot-khot kiraju.
Jadi awak rampok nyan rupajih rekan keurija meukat gulee, seureng tulak gulee dua geuh. Hermanto umu 41 thon, awak gampong Empu Balik, Kute Panang, Aceh Tengah.
Jadi, bak beungoh nyan, Hermanto jitelpon Makcik Rusmianti pakat meurumpok untuk urusan peulewat gulee lagee biasa. Jadi meureumpok lah bak teumpat biasa di pasai Paya Ilang, Takengon. Troh keunan pakat ek moto Escudo, plat lagee bak poto.
Meunan geutamong moto, geutanyong le Makcik Rusmiati bak si Hermanto, "Pat barang?" Gulee nyang geumeukeusud.
"Na hai, sideh bak lampu mirah Kebet barang." Kheun si Hermanto. Teuman meunan troh keunan bak lampu mirah Kebet, si Hermanto jiputa seutio, jibalek arah moto.
"Kulake meu'ah buk beh, meukarat nyoe" Kheun si Hermanto, pham jitakat Makcik nyan ngon hunci pelak. Ji ceukak lom. Teuman Makcik kon teukeupak geuh, hana geusangka. Alah mantong sadar, meugeusurak teuk, Tulooooong!" Sira geu peuhah pinto moto, keuneuk grop.
Hana teujalok si Hermanto, meuteugon gaih, baleng teuk seutio ji gese u teungoh jalan, hana geukalon na moto tronton di kue teungoh meuparkir, geudeubhum jiteumok moto tronton. Teuman ubiet moto tronton, karap ubee meulasah kira ju, hoe ijak meunyo han c'iep moto escudo meutuwah nyan.
Laju troh aneuk muda nyang na diseukitaran nyan jijak tulong. Aneuk muda nyo jijak tulong jipike ureung meupok. Seubab ramee ureung, ka panik hana meupu si Hermanto. Ji plueng cot ikue kiraju.
Makcik Rusmiati ji ba ju u rumoh saket le awak nyo. Teumana hana brat luka, sang hana teuga jitakat bak ulee ngon kunci pelak. Meunan ka abeh umu geuh.
"Beutoi meunan na keujadian meunan, dan jinoe si Hermanto ka ji drop." Kheun Kasat Reskrim Polres Aceh Tengah, Iptu Agus Riswanto bak awak Dialeksis, Bang Bahtiar Gayo.
Jadi meunurot info dari peulisi nyan, si Hermanto jijerat kasusu perampokan. Jih brat that peurle peng, teuman hana meuhoe peukeu. Kakeuh jireupah langganan droe jih. Keubiet paleh kiraju. That gawat ka ureung lawet nyo. Nasaja keujadian kiraju.
0 Response to "Di Takengon Awak Rampok Makcik Meukat Gulee Jihambo Moto Tronton"
Post a Comment