Karu Lam Partai, Adly Tjalok: Abu Darwis Jeunieb Bek Peugadoh Droe
Nasaja Berita - Bireuen, Anggota DPRA dari Partai Aceh nyang jinoe mantong lam jabatan, seukaligoih ek caleg lom lam thon nyo, bah pih hana loloih le, geulake bak Abu Darwieh Jeunieb seulaku ketua DPW PA Wilayah Bireuen, untuk peubereh ju masalah lam Partai antar caleg.
Saat meunoe keuh meunurot Adly Tjalok peran dari ketua beuleumah. Adly geulake bak Abu Darwieh untuk ta meuduek peubereh masalah internal lagee aturan lam partai. Bek 'oh watee lagee nyo ka geupeugadoh droe.
"Watee meunoe Darwis Jeunieb bek tiek andok, peugadoh droe." Kheun Bang Adly bak awak Dialeksis uroe Aleuhad tanggai 12/5 baroe.
Jih 'ohh watee meunoe keuh sidroe pemimpin partai geudong dikeu untuk peubereh masalah, kon geu plueng dan geujak meusom.
"Lagee nyo Darwis Jeunieb ka plueng dari masalah, awak nyo jak u rumoh hana geutem meureumpok." Meunan geupeugah le Bang Adly Tcalok.
Adly Tjalok awai awak GAM sit, awak mat beudee masa konflik.
Jinoe Tgk Munawar ka geujak meungadu eh hoe u Banda Aceh bak DPP Partai Aceh. Teuman meunyoe meunan keujadian jih, meunurot Adly, nyan kon meuhie that lagee hana pimpinan atawa ketua DPW PA di Bireuen.
"Tanyoe nyo saboh partai, adak meudeh kon jeut ta duek saban-saban ta peugah hai, ta peuglah ubee na masalah sabee droe. Nyoe pimpinan pih gadoh hana meuhoe. Teuman meunyo tan ketua, kiban cara ta peuseuleusoe masalah. Han mungken." Meunan geutakat le Bang Adly Tjalok. Bak sang, brat icaih geuh Bang Adly keu sikap Abu Darwieh meunyoe meunan cara. Reuloh partai meunyo han seuleusoe peukara model nyoe.
Nasaja kiraju. Peukateun peulitek macam na kiraju. Nyan poto bak pesbuk droe geuh Adly Tjalok Apa cok, adak hana geupeuidin, pih ka Apa lhat keunoe. Tapi Apa yakin geupeuidin, Get akai geuh beliau nyan.
0 Response to "Karu Lam Partai, Adly Tjalok: Abu Darwis Jeunieb Bek Peugadoh Droe"
Post a Comment