Dari Selasa KIP Aceh Rayek Tunda Sidang Pleno, Ka Uroe Hameh Komisioner Hana Meuhoe
Nasaja Berita - Banda Aceh, Abeh buet kalinyoe di awak geutanyoe neukiraju. Lam-lam puasa jadeh mita buet. Di kabupaten gob laen karap mandum sang abeh jisidang pleno suara pemilu caleg. Troh Aceh Rayek ka meutheun, seubab na karu bacut sapat.
Sidang pleno KIP untuk jak rekap suara ka jitunda dari uroe Lasa tanggai 7/5 baroe, urooe puasa phon. Teuman sampoe 'an beuklam mantong hana meulanjot lom. Uroe nyo ka Hameh sare tanggai 9/5. Nyang hayeu jih, pakat tunda sampe poh siploh malam Rabu, teuman poh siploh malam Hameh hana leumah ureung lom.
Jinoe komisioner KIP Aceh Rayek ka abeh gadoh hana meuhoe. That gura neukiraju. Pu hana abeh-abeh peunajoh buka puasa lom, jatah tunda siat, ka meuuroe-uroe.
Apa baca bak Sinarpost.com meunan meuutuleh. Lokasi sidang pleno jatah jih di arena Jantho Sport Center. Apa hana troh meujak keunan beuklam, ka ujeun raya.
Jadi rapat pleno nyan jitunda bak uroe Lasa tanggai 7/5 baroe, gara-gara peserta rapat, terutama saksi-saksi dan awak dari PA dan PDA han meuteurimong hasil pleno. Seubab le that beda ka deungon hasil nyang na bak kecamatan. Troh pleno kabupaten ka abeh ji ek suara keu awak laen dum, aleh kiban cara. Penggelembungan suara jikheun le awaknyo.
Hai meunan keuh haba dari Sektretarieh DPW PA Aceh Rayek, Bakhtiar dan Mufaddhal Zakaria seulaku ketua harian PDA Kabupaten Aceh Rayek. Mandua ureung nyo hireun, kok bisaa neukiraju sidang pleno nyang jatah seukot sampe poh siploh malam Rabu, ukuran lheuh seumayang teuraweh, sampe inoehat ka malam Hameh hana meupu jadwal lom. Bahkan awak komisioner KIP Aceh ka abeh hana meuhoe dum.
Seuhingga ka abeh meupikeran macam-macam keu KIP Aceh Rayek dum. Nyan takot KIP Aceh Rayek curang jak olah suara keu ureung laen dum. Meunan leubeh kureung haba Bakhtiar, seulaku perwakilan PA nyang jinoe pih teungoh duek keu dewan Ketua Fraksi PA bak DPRK Aceh Rayek. Nasaja kiraju, lam-lam buleun puasa ji meubuet dum.
0 Response to "Dari Selasa KIP Aceh Rayek Tunda Sidang Pleno, Ka Uroe Hameh Komisioner Hana Meuhoe"
Post a Comment