Mentri Jokowi Lop u Miyup Moto Bus Jak Pareksa 'Layak Jalan', Jiteume Meusangkot Pruet
Nasaja Berita - Bandung, Nyan krak mentri perhubungan lawet nyo keubiet. Sampe u miyup moto keu lop. Ka lagee awak bengke kiraju. Mentri Perhubungan, Budi Karya Sumadi ijak pareksa bus bak terminal Leuwipanjang uroe Lasa tanggai 7/5 baroe. Karap salah tuleh, Apa pike siluweu panyang nan terminal nyan. That na teuh.
Pak mentri meunan troh u lokasi hana le geupeugah haba, langsong geu seutop bus nyang ji keuneuk baap nyan. Geu lop ju miyup moto, geujak pareksa geureudang. Nyang pasti meulapek, meuhan ka abeh kuto bajee geuh. Ka hek awak seumerhah di rumoh lom.
Na seukitaran limong minet di miyup bus. Aleh pu geu puliek sinan. Tapi nyang pasti hana sampe teungeut di miyup moto. Han tente hai, buleun puasa lagee nyo, pat nyang dirui. Meunan ya peuteupat rhueng, laju teupet mata.
Nyan lucu jih., watee keuneuk teubiet, meusangkot pruet ngon bodi moto bus. Keubiet jadh meulaboh gumok bak baje. Ukuran suah lakee tulong bak awak nyo laen. Tulong... Neu tarek long, ka meusangkot kuh. Nasaja kiraju. Hai kon meunan bahsa geuh, tapi leubeh kureung meunan lah meunyo lam bahsa Aceh. Biasa Apa kalon awak bengke nyang raya pruet siangen lheuh jilop u miyub moto, ka suah lake tulong.
Lheuh nya baro geutamong lam bus, geujak pareksa kursi, klakson ngon pu laen lah untuk keamanan dan kenyamanan ureung ek moto. Ujong calitra, tipek stiker layak jalan. ka geuteken le Pak Mentri.
"Lon kujak u Bandung keuneuk pareksa bus hinoe. Rupajih bereh dan lagak-lagak bus di Bandung." Kheun Pak mentri. Nyan alah hana geujak u Aceh, beurtoh lagak lom bus di Aceh kiraju. Dari tigkat sa, tingkat dua pih na, pu dabel deker jikheun, meunan keuh pokok jih. Bus tingkat lhee nyang hana lom na di Aceh.
Meunan Apa baca bak Kompas ata geutuleh le Putra Prima Perdana, poto pih lagak that geuseutel le bang nyan.
0 Response to "Mentri Jokowi Lop u Miyup Moto Bus Jak Pareksa 'Layak Jalan', Jiteume Meusangkot Pruet"
Post a Comment