SK Ngon NIP CPNS Kemenag Aceh Karap Siap, Sibak Rukok Teuk!
Nasaja Berita - Banda Aceh, Bunoe lheuh buka puasa meuduek-duek meubuka internet roh meubaca bak sinarpost, lagak that berita neukiraju. Ka baroesa ka Apa preh-preh berita nyo, rupajih inoehat barina haba.
Hai nyoe hai, awak pat laen ka rap abeh ji ikot pelatihan dum, di awak kemenag hana jiteubiet SK lom keu CPNS nyang luloih baroesa. Na neuk kumuen Apa sidroe ka gabuk saree, pat laen ka jipiyoh buet, bak Kemenag hana lom na SK ngon NIP. Ka suah meukat u muda keu mita peng uroe raya.
Jadi geupeugah le Pak Saifuddin., SE seulaku Keupala Bidang Tata Usaha bak Kanto Wilayah Kementrian Agama di Aceh atawa Kanwil jikheun, nyan mandum teungoh lam proses.
"Lam buleun puasa, seugolom uroe raya Idul Fitri, mandum ka seulesuoe insyaAllah. Seubab 1.158 NIP CPNS Kemenag ka na barang. Tinggai 127 NIP teuk nyang hana lom bereh seubab na masalah verifikasi bak BKN sideh." Kheun Pak Saifuddin nyan.
Teuman nyang 127 droe teuk nyan pih hana trep le, ka na info pokokjih meunan. Seubab na masalah bacut sapat, meuseu jih lagee hana cocok nan antara bak KTP ngon bak Ijazah. Kadang bak KTP nan Ramulah, bak Ijazah roh meutuleh Ramlah, aleh toh nyang beutoi, pokokjih mandua beutoi seubab saban ureung. Nyang hek teuh meunyoe bida ureung. Nyang luloih awak laen, nyang kirem berkaih awak laen, nyang jiteubiet NIP ngon SK ka awak laen. Nyan keubiet nyoe meulaen neukiraju. Suah ta cut'iet awak BKN ngon Kemenag. Tapi sang hana keujadian meunan. Peusoh keudeh.
Seubab na geupeingat le Pak Saifuddin supaya bek teupeungaroh ngon berita-berita hana jeulaih, na nyang peugah jeut uroh SK, na bayeu ini itu. Hana nyan. Nyo trep siangen seubab rencana Kemenag, mangat meusigo ban saboh neugara Indoneh pengumuman dan bagi SK.
Seulaen nibak nyan, na sit mutheun gara-gara nan ureung legalisir ijazah nyang hana paih. Aleh kiban nyang meumasalah dan hana paih nyan, pih hana Apa tu'oh peugah. Inti jih meunan haba pak Saifuddin. Na sit nyang meutheun bak verifikasi SK honorer bagi nyang ikot bak jaluru khusu keu awak honor.
"Eunteuk akan ta umumkan keulayi bak website kemenag Aceh" Kheun Pak Saifuddin lom.
Seubab ubee nyang ka ta teupu na 1.285 droe nyang luloih bak Kemenag watee tes CPNS lam thon 2018, pu keuh dari nyang jalur umum biasa, atawa nyang jalur khusus honorer.
0 Response to "SK Ngon NIP CPNS Kemenag Aceh Karap Siap, Sibak Rukok Teuk!"
Post a Comment