Karap Uroe Meugang, Yum Keubeu Ngon Leumoe Meujungkat Ji Ek
Nasaja Berita - Meureudu, Asai ka rap puasa sit ka ji ek yum leumoe ngon keubeu, makajih ji ek yum sie watee makmeugang. Teuman hanjeut ta kheun sapu, raseuki ureung meuleumoe.
Meunurot info dari Pidie Jaya, perkiraan ji ek yum leumoe2 sampe 3 juta sineuk.
"Si neuk leumoe ji ek kalinyoe," Kheun Apa Usman yang meukat leumoe di pasai Lueng Putu. Meunyoe tanyo meuhoi kon Apa Seuman, teuman lam berita teutap payah tuleh Usman.
Meunyoe biasa jih yum keubeu 26 juta, jinoe ka 29 juta ji ek yum. Meunan sit leumoe gampong. baroekan meuteume 8 juta, jinoe 9 ata 10 juta sineuk.
Teuman meunyoe ka ji ek yum meuneuk eumoe atawa keubeu, kon ka otomatih, yum sie leumoe ngon sie keubeu ji ek sit watee ta bloe meukilo. Asai ka meugang sit ka meunan.
"Ji ek yum leumoe ngon keubeu, hana cara bagi kamoe ureung peubloe leumoe lam pasai, payah peu ek sit. Ka payah ta peubloe 180ribe atawa 190ribee sikilo sie. Meunyoe kon lagee nyan, rugoe kamoe ureung meukat." Kheun Apa Seuman meukat leumoe.
Meunan Apa baca bak Beritakini bunoe uroe Aleuhad 28/4, nyang geu tuleh le Bang Nurzahri seulaku jurnalieh beritakini di wilayah Pidie Jaya. Aleh supoe keubeu lam poto nyan, hana geutuleh keterangan. Sinan sit Apa cok poto, bek hana meupoe eunteuk.
Teuman biasa jih kon cuma leumoe ngon keubeu, sampe bak yum manok ji ek meunyoe ka uroe meugang. Ka payah tajak bloe ju beu bagah, seugolom meuhai that ji ek yum, meuhan han ek ta bloe ukeu, karu ngon Da Mulah. Lheuh ta bloe ta culok lam kolokaih. Roh mantong na tinggai peng yum padee baroesa.
0 Response to "Karap Uroe Meugang, Yum Keubeu Ngon Leumoe Meujungkat Ji Ek"
Post a Comment