Teungku Dayah Meureunoe Ilme Falaq, Kalon Bintang Ngon Aneuk Buleun
Nasaja Berita - Banda Aceh, Dinaih Pendidikan Dayah seulaku teumpat meuneumat ureung dayah lam pemerintahan, kalinyoe na geupeugeot pelatihan keu teungku-teungku dayah nyang na di Aceh untuk jak kalon aneuk buleun dan baca rasi bintang.
Tema acara “Pelatihan Ilmu Falaq untuk Meningkatkan Pengetahuan dan Keterampilan Sebagai Metode Pengembangan Sumber Daya Manusia yang Teoritis dan Praktis” ini, seulama 4 uroe mulai 26 sampoe tanggai 29 April 2019.
Keupala Dinaih Dayah, Pak Usamah El-Madny, S.Ag, MM nyang geuwakili le Kabid SDM, Pak Mustafa, S.Sos, M.Si, geupeugah ilme falaq nyoe bagian dari ilme agama sit. Seubab deungon ilme nyan keuh, ta teupu troh watee seumayang, arah kblat nyang beutoi dan paih, sampe bak peuteunte pajan phon rhot maam puasa untuk jak seumayang teurawweh.
"Ilme falaq, biasa dikheun ilme hisabm sabee jibutuhkan le umat manusia. Ilme nyang jak baca benda-benda langet di luar angkasa. Ilme falaq le that meunafa'at keu manusia. Kamoe harapkan, teungku-teungku beu gigeh ikot peulatihan nyoe. Seubab niet that ka ulama nyang mantong di nanggroe Aceh nyoe nyang meuphpm bhaih ilme falaq. Maka beuserius bak ta meureunoe supaya bek sampe langka that nyang jeut dan meuphom ilme falaq." Nyan ban harapan nyang geusampaikan le PakMustafa watee malam pembukaan di hotel mekkah, Banda Aceh, nibak malam Jeumeu'at tanggai 26 April 2019 baroe.
Lheuh nyan geusampaikan sit le ketua Panitia, Rosti Maidar, SE., M.Si bak jatah peugah haba laporan panitia nyang bahwa na 40 droe peserta nyang ikot pelatihan nyan. Seudangkan nyang jeut keu pemateri seulama pelatihan lhee uroe nyoe nakeuh Abu Tanjong Bungong atawa Tgk Abdullah Ibrahim, Tgk Muhammad Isa, Tgk Muhammad Hatta, Lc, M.Ed atawa Abiya Hatta, Dr. Suhrawardi dan Tgk Al Firdaus Putra, MA.
Meunan Apa baca bak Liputan Aceh, poto pih suah ta seukrinsyot ata sinan. Bak sang nyan kiriman rilis dari Dinaih Dayah langsong. Keu Apa hana roh geukirem, sang saweub hana geutupu email atawa lumboi HP Apa, bak pesbuk pih hana roh geumeungon. Tapi hana meudaleh, teuap Apa peu ek keu berita, seubab jroeh that buet, suah ta brie thee keu syedara pembaca.
0 Response to "Teungku Dayah Meureunoe Ilme Falaq, Kalon Bintang Ngon Aneuk Buleun"
Post a Comment