Jikawai Le Peulisi, FPI Aceh Demo KIP: Bek Peukureung Suara Prabowo!
Nasaja Berita – Banda Aceh, Nyan hai ka ji demo KIP le awak FPI dum. Biet keuh ramee peulisi sinan bunoe. Apa pike razia bunoe, makajih langsong meukoh lipeh puta seutio. Hana roh teuba STNK sajan. Sang kira ta teupu demo ka tajak liput langsong. Kalinyoe kakeuh ta cok bak Klikkabar nyang Jujur Mengabarkan ata geupeu ek le Teungku Muhammad Fadhil. Adak poto pih sinan, jeulaih na merek sinan.
Lam demo bunoe uroe nyan, na meupadum droe Teungku FPI jak bak kanto KIP. Meuteugu-teugu lheuh bak geuorasi neukiraju. TOA mat sigö sapoe.
"Suara Prabowo Sandi di Aceh 82% leubeh, bek jak peukureung-kureung. Nyan kamoe lakee bak KIP Aceh." Kheun salah sidroe ureung demo bak TOA.
Ketua FPI Aceh, Teungku Muslim At-thahiry pih meunan sit geupeugah. KIP Aceh harus jujur bek lagee awak gob dum.
"Bek sampe KIP Aceh jak peukureung suara Prabowo. Lagee nyang ka ta kalön bak gob dum, le that kejanggalan watee jiinput data suara." Meuapui lheuh Tgk Muslem watee geu peugah haba bak mik, kiraju.
Suara nyang meunang Prabowo di Aceh nyan suara dari hatee nurani ureung Aceh bak pileh presiden neugara Indoneh. Jadi bek sampe meuteume nyang aneh-aneh. Meunan lah kira-kira meukeusud Ketua FPI Aceh.
Keutat that jikawai le peulisi bunoe neukiraju. Teuman bak Apa kira sang nyan bagian dari rangkaian acara nyang ka meusebar spanduk lam padum uroe nyoe. Nyakni deklarasi kemenangan Prabowo-Sandi, Munajat dan Syukuran bak dayah Tu Bulqaini. Teuman aleh nyoe pih hom. Bak sang nyoe.
0 Response to "Jikawai Le Peulisi, FPI Aceh Demo KIP: Bek Peukureung Suara Prabowo!"
Post a Comment