Warga Arongan: Lon Na di Lokasi, Hana Upaya Jak Poh Bupati
Nasaja Berita – Aceh Barat, Perwakilan warga gampong Arongan geujak meureumpok awak media geucalitra pu nyang gobnyan kalon. Nyang bahwa hana keujadian jak poh Bupati Aceh Barat, Pak Ramli baroe di keu kanto camat Arongan Lambalek, Aceh Barat.
Muslem nyang geudampingi le Abdul Rafar, geujak klarifikasi. Meunurot teungku Muslem nyan, "Peurle le wartawan dan media untuk teupu kiban keujadian di lapangan. Lon na disinan, hana upaya dari warga untuk jak tak atawa jak poh Pak Bupati." Meunan sit, hana nyang soh atawa poh pak Bupati watee geu keuneuk tamong lam moto dinaih. "Lon na lon kalon keudroe, hana pih nyang jak soh bupati watee geutamong lam moto nyan." Kheun Teungku Muslem.
Meunurot haba dari Teungku Muslem, tujuan ureung nyoe jak keunan, kon keuneuk jak peugot karu, pu lom jak poh Bupati. "Kamoe jak keunan keuneuk meureumpok Bupati, kon jak peuget karu."
Teungku Abdul Rafar nyang rencana keuneuk meureumpok langsong deungon Pak Bupati Ramli sajan 3 droe teuh perwakilan warga, keuneuk tanyong, kiban ka masalah relokasi gampong. Kiban solusi jih. Ka dari akhee thon 2018 ka na demo, bak tanggai 18/12 thon baroe.
Seugolom kamoe meureumpok Bupati, kalheuh meupeugah bak camat, Pak Sabirin, bahwa kamoe keuneuk meureumpok deungon Bupati Ramli. Tapi watee lheuh acara, ka hana geu brie watee kamoe meureumpok.
Sinoe neuklik neubaca, Camat Sabirin Jak Lapor Amuk Massa bak Polres
"Wap hana meureumpok nyan, ya emosi lah kamoe. Hai na meuteunak meu dua krek sapoe wap emosi. Nyan biasa lah. Seubab watee ta tanyong, hana jawaban dari Bupati Ramli MS, seulaku Bupati Aceh Barat." Nasaja neukiraju.
Nyan berita bak Aceh.AntaraNews Apa baca, poto pih ata sinan sit.
0 Response to "Warga Arongan: Lon Na di Lokasi, Hana Upaya Jak Poh Bupati"
Post a Comment