Jadeh Berangkat u Tanoh Suci, Do'a Nyak Sandang Keu Jokowi: "2 Periode"
Nasaja Berita - Banda Aceh, Nyak Sandang, sidroe ureung tuha nyang ka that meusyeuhu gara-gara na geukeubah surat bukti obligasi bloe pesawa keu Soekarno awai, kalinyoe ka jadeh jak u tanoh suci. Lagee janji Presiden Jokowi.
Baroe di Banda Aceh, Nyak Sandang meureumpok ngon rakan-rakan dari media di Ulee Lheu, deungon sinyak neuh, Bang Khaidar. Geupeugah seunang that hatee seubab ka troh h'eut untuk beurangkat u tanoh suci. Seugolom jih Nyak Sandang meureumpok ngon Jokowi di istana Presiden.
Watee meureumpok deungon Presden, Nyak Sandang geulakei hadiah dari Presiden. Nyang keuphon beu leupah u anoh suci, jak ek haji. Teuman, seubab susah that proses ek haji, suah preh meu thon-thon, maka Jokowi brie pilehan untuk jak umrah ilee. Tiket ka na sajan, buleun lhee atawa maret eunteuk meunyoe na umue panyang, Nyak Sandang akan beurangkat.
”Lon keuneuk ucapkan teurimong gaseh keu Bapak Presiden nyang ka geupeupunoh permintaan lon. Lon lakei bak Allah, adak jeut beu geutemueng duek sigoe teuk, beu geuteumueng duek sigoe teuk, ya Allah.” Nyan ban do'a Teungku Nyak Sandang keu Pak Presiden.
Nyan bek gara-gara na do'a di Teungku Nyak Sandang, ka neu jak kheun cebong keu gobnyan. Apa cut'iet neuh bak kulet pruet. Hana adab ngon ureung tuha. Nyan kon le nek suah ta kheun, ka chiek. Chiek Sandang. Teuman ka nan Nyak Sandang, kakeuh ta peu-Nyak ju mandum ilee.
Nyan bek gara-gara na do'a di Teungku Nyak Sandang, ka neu jak kheun cebong keu gobnyan. Apa cut'iet neuh bak kulet pruet. Hana adab ngon ureung tuha. Nyan kon le nek suah ta kheun, ka chiek. Chiek Sandang. Teuman ka nan Nyak Sandang, kakeuh ta peu-Nyak ju mandum ilee.
Seulaen nyan Nyak Sandang pih seunang that hatee, seubab kalheuh operasi mata. jadi ka leumah lom geukeumalon, kajeut geu meubaca.”Alhamdulillah, mata kapeungeuh, tujoh thon hana deuh lon kalon, malam nyan aju geutalipun u rumoh saket, alhamdhdllah lheuh dipeuubat kajeut lon kalon, kajeut lon membaca". Nyan ban seunang hatee Nek Chiek Sandang kalinyoe
Teuman na saboh janji Presiden Jokowi nyang hana lom geutunai. Nyakni hawa beu teudong saboh seumijid di gampong Nyak Sandang, di Lamno. Teuman baro-baro nyoe ka troh haba, nyang bahwa ka ji tron tim untuk jak bangun seumijid sinan.”Jinoe seunang that lon, uroe malam lon tingat that, malee ngon ureung gampong, tapi nyoe alhamdulillah kageujak kalon". Nyan ban kheun Nyak Sandang bak wartawan.
Nyoe berita Apa rawi dari Acehtribunnews atawa Serambi Indonesia meunyoe media cetak jih.
0 Response to "Jadeh Berangkat u Tanoh Suci, Do'a Nyak Sandang Keu Jokowi: "2 Periode""
Post a Comment