Karap Meuramah, Bupati Aceh Barat Ji Hamok Le Warga Seuneubok Teungoh
Nasaja Berita – Aceh Barat, Bupati Aceh Barat, Pak Ramli karap meuramah baroe. Ji keupong le masyarakat watee keuneuk buka acara Musrembang bak kanto Camat Arongan Lambalek.
Massa na sekitaran 30 droe ji tajoe ateuh Pak Bupati. Meunurot info, na nyang ba parang ji keuneuk tak Pak Bupati. Parang ka awai ji peusiap, ji balot ngon koran. Alah pih awai ji peuaman le Pamtub. Kiban han aman teuman, ji timbak pistol u ateuh sineuk mangat bek ji peutoe Bupati le warga.
Watee Pak Bupati lam moto, warga ji tajo lom ateuh moto Bupati. Ji keuneuk tarek Bupati u luwa. Teuman han meuteume le. Kakeuh pu nyang na ju ji teubiet. Aleh pu-pu j kheun keu Bupati neukiraju. That bereh awak Aceh Barat lagoe. Nasaja kiraju.
"Seugolom ji peuaman lam moto dinaih le pengawal, na padum-padum droe massa nyang tajo ateuh Bupati. Ji soh Bupati, alah kön bak muka. Bak jaroe keunöng". Meunan geupeugah le Pak Dedy Gunawar.
Meuapui ji teunak Bupati neukiraju. Watee ta cek masalah rupajih gara-gara masalah awai. Gampong Seuneubok Teungoh nyan harus ji relokasi atawa jipinah hoe laen. Seukitaran 9-10 Kilo dari teumpat awai. Gara-gara musibah gempa tsunami 2004 jameun. Meunurto warga hana can sagai, jioh that nyan. Jadi sebagian warga teutap han geutem minah. Seubagian laen suah minah gampong. Jadi warga ka bicah saboh sahoe.
Warga nyang jak demo nyan sit ji preh Pak Bupati teubiet dari kanto camat. Watee geutanyöng le warga, jawaban Bupati han paih sagai bak punyueng warga, makajih ji sambui dum warga. That na teuh.
Meunyoe kadang kureung yakin neuh keu berita nyang Apa Raban rawi, neu klik sinoe bak aceh.antaranews.com atawa acehsatu.com pih jeut. Sampe-sampe Camat Arongan Lambalek ka geujak lapor peulisi bahwa na amuk massa.
0 Response to "Karap Meuramah, Bupati Aceh Barat Ji Hamok Le Warga Seuneubok Teungoh"
Post a Comment