Waled Husaini: Meunyoe Na Beude Lon Timbak Beumate Keudeh Awak Narkoba
Nasaja Berita – Jantho, Wakil Bupati Aceh Rayek Waled Husaini leupah icaih keu awak pengedar narkoba. Meunurot Waled, nyan awak nyan awak reulöh bansa. Abeh generasi bansa Aceh anco gara-gara awak narkoba.
Bak acehantaranews.com Waled geupeugah ,"Ta lakee bak peulisi, beu jitimbak beumate keudeh awak pengedar narkoba nyan. Anco bijeh bansa teuh. Rusak ubeena generasi." Di Jantho baroe uroe Hameh tanggai 21/2 watee bak acara ji töt ganja seukitaran 800 kilo leubeh.
Seulaen peureulöh bansa, nyan narkoba hareum lam agama. Meunyoe bansa reulöh, agama pih reulöh neukiraju. Apa Raban seip brat setuju meunyo bhah nyoe. Nyan Waled Husaini kajeut ta pileh lom periode ukeu meunyoe meunan. Meunyo peurle keu Bupati ju.
"Meunyoe lon na beude sit ka ku timbak keudroe. Buet peurusak gob nyan. Bahaya that, han jeut ta biarkan." Kheun Waled Husaini.
Waled Husaini atawa Tgk. Husaini A. Wahab seulaen seubagai Wabup jituri juga seubagai ulama. Pimpinan dayah di Seulimum. Waled Husaini neu ek dari PDA (Partai Daerah Aceh) nyang meunurot semboyan partai nyan. Partai seunambong gareh perjuangan ulama. Seunambong Bijeh Partai Ulama. Seubab nyang peudöng partai nyan awai Ulama rayek di Aceh. Abu Panton Labu, almarhum. Teuma nan ka meuganto. Awai Partai Daulat Aceh nan jih.
"Leubeh get ta timbak beu matee awak nyan, daripada meutamah reulöh bansa dan masyarakat." Kheun Waled Husaini. Neutimbak beumatee ju keudeh Waled hai, peunyaket nyan.
0 Response to "Waled Husaini: Meunyoe Na Beude Lon Timbak Beumate Keudeh Awak Narkoba"
Post a Comment