Nasaja Berita – Amerika Serikat, Nibak khanduri mulod baroe di Amerika nyang ta selenggarakan le ureung tanyoe Aceh. Seulaen khanduri, teunte jih na ta meudike kitab barzanji keu beurkat dan taharap syufa'at bak nabi. Lheuh nyan baro na ceuramah. Keu mau'izah bagi nyang hadir. Cok peulajaran nibak momen ta peringati uroe lahee nabi mulia Muhammad SAw. Acara ta peugot kalinyoe bak seumijid awak Pakistan. Seubab golom na seumijid droeteuh awak Aceh sideh.
Nyang jeut keu penceramah nakeuh sidroe aneuk Aceh Rayek, Teungku Aula Andika, nyang jinoe teungoh cok S2 di Amerika Serikat. Watee di nanggroe Aceh awai, Teungku Aula na geujak beut bak salah saboh dayah cabang Ruhul Fata, Seulimum. Jadi bah pih geujak keunoe u Amerika, insya Allah, aqidah teujaga, han meubalek.
Phon troh, mandum nyang hadir jak seumbahyang Leuho bak seumijid. Lheuh seumbahyang, baro lheuh nyan meukhanduri deungon kuwah sie kameng. Lheuh pajoh, beudoh, jak meudike. Baca kitab mulod Barzanji.
Leubeh kureung na meu dua jeum bak meudike, baro geubedohlah Teungku Aula Andika. Geu sampaikan ceuramah mulod. Geuceurita tarekh Nabi, mangat tingat teuh, dan ta tu’oh kiban udep Nabi jameun. Lheuh nyan geupeugah bahwa peunteng that tatanom aqidah Islam tanyo bangsa Aceh lam jiwa aneuk geutanyoe. Pu lom geutanyoe sinoe udep lam nanggroe kaphee. Bk sampe ji teume meubalek aqidah. Dan hakikat silaturrahmi, ta sambong syedara, seubab deungon nyan tanyoe kuat lam seugaa hal. Meunan ka meuato lam syariat islam.
Lheuh Teungku Aula Andika ceuramah deungon seumangat dan cukop lagak. Ne
top ngon do’a. Su cukop meualon meualon, cukop meurdu bak geu baca doa. Rh’am
bulee teuh bak ta peu amin.
Lheh acara langsong geu jak Bang David bak Abu, “Uroe nyoe Teungku Aula
bah lon puwoe u rumoh lon. Singoh lon jak intat, bek hek that droneuh Abu.”
Nyan haba bang David. Bak Abu kira sang na rencana geukeuneuk jok dara baro
Amerika sidroe keu Teungku Aula. “Ka jadeh meuramah Teungku Aula kali nyoe. Ka
suah pinah KK ngon KTP u Amerika sang lage Abu. Hahaha” Kheun Bang David yang
manteng meutaloe wareh ngen Teungku Aula sira geukhem.
0 Response to "Ceuramah Maulod di Amerika, Teungku Aula: Jaga Aqidah Beupah"
Post a Comment