Mulod Nabi di Amerika, Sampe Yahudi Ngon Nasrani Na Hadir

Nasaja Berita – Amerika Serikat, Baroe, watee uroe di Amerika Serikat, ureung geutanyo Aceh peugot khanduri mulod. Lagee nyang ka tom Abu West peu ek keu berita, lam padum uroe ka u likot.

Sinoe neu klik neu baca berita nyan Ureung Aceh Meukhanduri Mulod di Amerika

Disinoe kon cuma ureung Islam nyang jak bak khanduri mulod. Awak kaphee pih ijak. Seubab na ta undang. Geutanyoe tinggai di nanggroe kaphee, maka beu ta niet sit keu awak nyan. Baroe watee mulod, menu utama nakeuh kuwah sie kameng. Lagee biasa di nanggroe teuh. Pu lom sinoe teungoh leupie that, keunong kuwah sie kameng sit cocok that keu tuboh.

Salah sidroe rakan Abu, awak Juwis (Yahudi - Amerika), nan jih Mr Jermmaya (Meunyoe tanyoe kheun cocok jih Jarumiyah, sang) na trok sit. Na ji lakee dong poto si on ngon Abu. Ji kheun bak Abu, "Seunang that hatee ku, meurempok ngon droeneuh Abu. Lheuh nyan, paih that rasa kuwah sie kameng nyoe. Nyan neu kalon sampe ka meulabo bak janggot ku saree". Get that na teuh di rakan nyan, neukiraju. Kon di jak meudike sajan tanyoe keudeh. Malah keu sie kameng teuingat jih. Alahai nan mantong Yahudi. Ka ji tem meungon teuh pih ka rayek tuwah.

Sinoe neu klik neu baca kiban Calitra ureung Mulod Ureung Aceh di Amerika

Si Jermaya nyan kon sidroe ji jak. Na ji ba rakan jih ka meu saboh moto. Awak kaphee non muslim, awak kaphee Nasrani Amerika nyang meurakan wate awai sapat jak sikula, na sit nyang sapat kerja jameun.

Nibak watee meudike nyan, ubee na bangsa nyang troh, pu keuh dari India, Pakistan dan laen-laen ji roe ie mata wate meudikee. Teuingat, seumoga lamta meudike dikee Barzanji baroe, troh neusaweu tanyoe umat nyang jioh di Amerika nyoe le roh Rasullullah dan jeut keu syafa’at keu geutanyo ban mandum. Pat mantong, meunan harapan Abu nyang tuleh berita nyoe.

Abu West, Kontributor Nasaja Berita di Amerika Serikat

Share this post