Inong Pungo Bui, Ji Kap Le Bui Teungoh Brie Eumpeun Bui
Nasaja Berita – Rusia, Nyoe krak berita Apa Raban teume bak Tempo neukiraju. Ata geukirem le Ampon Darma. Rupajih lheuh Apa cek bak web berita Rusia keubiet nyoe keujadian lagee nyan.
Ureung inong nyan umue 56 thon tinggai di distrik Malopurginsky di Propinsi Udmurtia, Rusia Barat, ji laporkan le koran The Independent, judul jih Women eaten alive by pig russia seulaku media berita Pemerintah Rusia, matee ji kap le bui. Nyan berita tanggai 10/2 baroe ji tuleh bak koran nyan. Laporan nyang ji beritakan inong tuha nyan na saket pungo bui. Ka paih neukiraju. Ureung pungo bui, peularha bui, mate ji kap le bui. That meu bui biet. Nyoe kön teumeunak beh. Tapi nyoe berita teuntang bui pajoh ureung pungo bui nyang bie eumpeun bui. Nasaja neukiraju.
Meunurot info dari lako si nong tuha nyan, nyan keujadian ji teumee mayet nyan tanggai 1/2 baroesa. Lakoe jih awai teungeut malam nyan, ji keubah inong sidroe lam eumpung bui. Aleh wab suum that badan jih. Ji beudöh eh singoh beungoh ka tan le peurumoh. Meunan ji kalön ka abeh umue lam eumpung bui.
Kondisi purumoh jih that ngeri neukira ju. Bak muka ji kap, on punyueng hana meuhoe le siblah, jaroe ngön baho ka meu yek-yek hanjeut keu buet. Meunan info nyang ka meutuleh bak berita nyan. Bahkan bak situs berita Newstes nyang kanto jih di Moskow, Rusia na sit ji peu ek. Tapi hana ji tuleh detil miseu lagee padum boh na bui lam weu/ eumpung bui nyan.
Jinoe awak Rusia terutama awak rumoh saket, peulisi, dan laen-laen nyang uroh masalah ureung mate dan uroh bui teungoh ji jak pareksa dum. Mangat meupu, kiban seubeutoi jih keujadian.
Di Oregon, Amerika Serikat awai lam thon 2012 baroesa na sit tom keujadian meunan. Si Terry Vance Garner (69 thon nyan si gam nyan matee ji kap le bui nyan. Nyang na ji teume igoe palsu jih. Na meu 50 boh bui lam weu jih. Bak sang, ji peu pök le bui. Watee reubah meu ji kap teuk, ji yeuh le bui dum. That meubui akai bui nyan dum. Nasaja di peukateun bui. Keubiet han ji turie ureung brie eumpeun jih.
0 Response to "Inong Pungo Bui, Ji Kap Le Bui Teungoh Brie Eumpeun Bui"
Post a Comment