Warga dan Mahasiswa Aceh di Solo Duek Meukupi ngon Abdullah Puteh
Nasaja Berita - Solo, Nyan hai beuklam geu brie thee le bang Adi Fa meulalui kota masok peseubok Apa nyang bahwa beuklam, malam Rabu tanggaii 9 Juni ureueng nyang na duek silaturrahim deungon mantan Gubernur Aceh masa periode 2000 - 2004 jameun, Abdullah Puteh. Jinoe Abdullah Puteh atawa Bang Lah teungoh menjabat keu anggota DPD Aceh Periode 2019 - 2024. Saban lagee Haji Uma sit. Meunyo kheun awa nyoe Senator.
Jadi beuklam Bang Lah memang jak silaturrahmi deungon salah sidroe calon Wakil Walikota Surakarta Razali Ismail Ubit, ureueng droe teuh Aceh nyang ka trep di Solo sideh.
Abdullah Puteh geudukung that Razali Ismail Ubit untuk ek keu calon sajan ngon Gibran Rakabuming, aneuk Pak Presiden Jokowi. Hai nyan saboh got sit, nyang beurarti, ureueng Aceh sit jipakek teuh sideh di Jawa.
Lam kesempatan bak duek-duek jep kupi nyan le Razali Ismail Ubit geulake bak Bang Lah seulaku tokoh Aceh nyang na sideh di pusat, untuk beugeutem bantu fasilitasi pembangunan Meunasah Aceh dan sekretariat keu awak nyoe adoe-adoe geutanyoe nyang teungoh kuliah di Solo Raya.
Bang Adi Fa na sit lam kawan seulaku Adi Fa Wakil Ketua Himpunan Masyarakat Aceh Surakarta (HIMAS). Nyan Bang Adi Fa, sit rakan that ngon Apa. Meunyo bak peseubok sit abeh lagee kiraju. Macam model meubalah-balah panton ngon komen, kamoe sabee tuha.
Na sit lam kawan nyan Maidatul Akmal selaku perwakilan dari Ikatan Mahasiswa Aceh Surakarta (IMASKA). Nyan aneuk muda luar biasa that. Teungoh cok S2 sideh di Jawa. Ketua IFI Banda Aceh meunyo hana salah Apa. Ikatan Fisioterapi Indonesia cabang Banda Aceh. Baroesa lam uroe Sabtu ban lheuh jak intat bantuan u Paya Tumpi, keu syedara geutanyoe korban musibah banjir lam buleun puasa. Memang nah, jithee awak Aceh.
Abdullah Puteh geupeugah bak ureueng nyoe supaya beutameusaboh lam ranto. Pu keuh masyarakat Aceh atawa mahasiswa. Beu kompak. Beu udep ssilaturrahmi. Sigo-go jak duek jep kupi. Meunan sit, beu got tajaga maruwah bansa Aceh. Ta peudeuh ureueng Aceh nyoe hayeu, sopan, dan le pat jeut pakek, bak teumpat nyang got-got.
Nyan ban neukiraju. Teuman kon timang that. Sang lam padum uroe ukeu nyoe pak Abdullah Puteh keumeung duek lom ngon ureueng nyoe, keuneuk peubereh masalah Meunasah. Adak meujeut beumeuhase. Bek sampe di Solo, awak Aceh, meu meunasah tan. Nasaja kiraju.
0 Response to "Warga dan Mahasiswa Aceh di Solo Duek Meukupi ngon Abdullah Puteh"
Post a Comment