That Kanjai! Keunong Beureukah bak Posko Covid Gara-gara Ba Ganja 3Kg Sajan
Nasaja Berita - Banda Aceh, That geusoh min dih neukiraju. Kanjai leupah na di awak si gam nyan. Bak tamong cek poin untuk jipareksa gejala corona, the-the ka jiteume ganja.
Keujadian jih sideh di daerah Beutong, gampong Krueng Isep, Nagan Raya. Jadi bak malam Seulanyan baroe tanggai 7 Juni seukitaran poh 9 lewat meunan, si DM [32 thon] nyang jeut keu tersangka lewat bak jalan dan suah tamong bak posko cek poin covid di gampong nyan.
Jih ngon honda ijak dari arah Beutong Beunggalang meunuju Ulee Jalan. Trok keunan ka maw'ot neukiraju. Pu lom bak posko cek poin nyan na peulisi. Kakeuh lagee haba itu ju.
Geupeugah le Pak Kepala Polres Nagan Raya, Ajun Komisari Besar Polisi Risno, watee lewat ljalan nyan, paih teungoh jipareksa, sang jitimbak ata suhu nyan bak talak, meurie ju si DM nyan meulaen. Lagee meuhie yo meunan. Makajih maken trep jipareksa, trok ban honda jipareksa, sampe jiteume saboh bungkoh bakong aceh atawa ganja.
“Jadi si DM watee nyan ijak ngon honda dari arah Beutong Benggalang menuju Ulee Jalan. Trok keunan bak pos jiseutop le peutugaih. Rupajih ka meureumpok saboh beureukah ganjak, lhee kilo [3kg] lam bagasi honda di miyup sila. ka jibungkoh lam plaseutip hitam." kheun Pak Kapolres
"Jinoe si tersangka nyan ka ta peuaman sajan ngon barang bukti keudeh u Sat Resnarkoba Polres Nagan Raya, mangat ta proses, ta pareksa leubeh paih lom." Lanjot beuliau nyan.
Meunan Apa baca bak AJNN ata jituleh le Darmansyah Muda seulaku jurnalih wilayah nyan. Apa ata geupeutrok info le teungku Fauzi, awak AJNN sit beliau nyan. E nyo hai, nyan DM nyang jeut keu tersangka nyan kon Darmansyah Muda beh. Gobnyan DM sit meunyo ta inisial, bek eunteuk ka salah meuphom. Na pu teuh bak tapeuteupat masalah, gara-gara salah ureueng.
0 Response to "That Kanjai! Keunong Beureukah bak Posko Covid Gara-gara Ba Ganja 3Kg Sajan"
Post a Comment