Duta Bahasa Favorit Aceh: Nyan Beu Na Basa Aceh bak Rambu Jalan Tol
Nasaja Berita - Banda Aceh, Ka namblaih thon nyang ka ulikot geumpa ngön tsunami geutanyoe rasa di nanggrie Aceh, nanggroe teuleubeh ateuh rueng donya. Inoehat uroe alhamdulillah Aceh ka bangkét makén hayeu, maken leubeh dan ka meutamah lagak. Geudong manyang ngön infrastruktur laen makén jai teudöng. Dan nyan mandum tujuan jih, ken keu nyoe jéh atawa ini itu. Tapi nyan mandum keu rakyat Aceh, supaya udep beu semakén seujahtra.
Jai that geudong-geudong barö nyang meugah lagèe hotel, mall, adak mesjid Raya Baiturrahman pih ka jirehab.
Nyoe nyang karap, nakeuh ji peu sah, seucara resmi jalan Tol Sigli - Banda Aceh atawa nyang ji thei deungön nan siat nyoe "Tol Sibanceh". Ngon na atranyan makén jithei laju- laju Aceh bak mata donya, sep hayeu kiraju.
Jalan tol nyan, panyang jih 74 km. Nyang jipeuhubong Banda Aceh ngön kota Sigli. Nyang jeut keu jalan pintas. Jeut teugon gaih moto ube ek. Hana payah le meu wet-wet lam gunong seulawah bagi ureueng nyo nyang na moto, watee geu jak bak jalan lintaih Sumatera nyan.
Lam bhaih nyo, Duta Bahasa Favorit Aceh 2018, Ziaul Fahmi cukop brat that geuharap supaya pemerintah Aceh beugeutem ngui atawa geu bôh basa Aceh bak tiep-tiep rambu nyang na taloe jalan tol nyan. Teunte jih tasandeng ngon bas Indoenh dan basa Inggreh.
"Long harap, basa Aceh beu na jituleh nibak tiep-tiep rambu jalan nyan, bah Aceh makén köng ngön basa droe teuh dan keu identitas droeteuh". nyan ban kheun Ziaul.
Seugolom jipeugah le gobnyan, untuk bahiah beu ji ngui basa Aceh lam teumpat umum kalheuh tom geu lakee le Duta Bahasa ngön Komite Mahasiswa dan Pemuda Aceh Nusantara (KMPAN), tapi sampoe 'an jinoe hana cit troh ji peugöt.
"Awai ka tom ji desak le KMPAN, tapi sampoe 'an buleuen Januari 2020 long jak bak bandara hana cit lom ji ngui basa Aceh. Long that meuharap keu jalan tol nyo beu ji ngui, seubab nyan kön but hèk". Meunan kheun Ziaul.
Lheun nyan jipeugah lom, peurlee ta ingat nyang bahwa basa Aceh bukön lé tok saboh basa daerah nyang na di Aceh tok, hana soe teupu di luwa. Tapi basa Aceh nyo ka meusyuhu ban saboh donya. Nyan deuh bukti deungön na buku seujarah ngön kamuih Aceh lam Museum nanggroe bagian Eropa ngon laen jih". nyan ban kheun Ziaul bak akhée.
0 Response to "Duta Bahasa Favorit Aceh: Nyan Beu Na Basa Aceh bak Rambu Jalan Tol"
Post a Comment