Abu Daod Sah Jeut keu Ketua MPU Aceh PAW Masa Bakti 2017-2022
Nasaja Berita - Banda Aceh, Bak uroe Seulanyan, tanggai 15 Juni 2020, Tgk. H. M. Daud Zamzami atawa Abu Daod ka resmi geulantik seubagoe keuta MPU Aceh deungon status Pengganti Antar Waktu (PAW) Masa Bakti 2017-2022. Abu Daod teupileh seucara aklamasi. Langsong geutunyok dan geulake le para pimpinan MPU laen. Dan ka seutuju ulama laen. Nyan lam Rapat Pimpinan Khusus MPU Aceh.
Abu Daud Zamzami neuduek neugantoe Abu Prof. Dr. Tgk. H. Muslim Ibrahim, MA nyang ka neu woe bak Allah ta'ala nibak tanggai 12 Desember 2019 baroesa.
Prosesi pengukuhan Pimpinan dan Anggota MPU Aceh PAW Masa Bakti 2017-2022 nyoe geupeugot watee Sidang Paripurna Istimewa-I Thon 2020 di dalam aula Sekretariat MPU Aceh.
Dalam Sidang nyang geupimpin le Abu Faisal Ali, seulaen geulantik ketua, na sit Dr. Tgk. H. Muhibbuththabari, M. Ag seubagoe Wakil Ketua II MPU Aceh. Tgk. H. Mutiara Fahmi Razali, LC., MA nyang jeut keu Anggota MPU Aceh PAW utusan provinsi.
Seudangkan Drs. Tgk. H. Asnawi Abdullah, MA jeut Anggota MPU Aceh PAW utusan dari Kota Lhokseumawe nyang geusaksikan seucara langsong le Ketua Mahkamah Syar'iyah Aceh, Dra. Rosmawardhani, SH. MH.
Nyang perle teupu bagi nyang golom teupu, tapi ka diteupu le ureueng nyang ka teupu bahwasajih Dr. Tgk. H. Muhibbuththabari, M. Ag geupeusah jeut keu Wakil Ketua MPU Aceh lheuh leubeh le meureumpok suara daripada 2 droe calon laen nyakni Prof. Dr. Tgk. H. Azman Ismail, MA dan Dr. Tgk. H. A. Gani Isa, SH. M.Ag lam proses pemilihan watee Sidang Paripurna Khusus - I Tahun 2020 nyang ka awai gepeugot bak buleun Maret ka leupah.
Meunan Apa baca bak web MPU ACEH
0 Response to "Abu Daod Sah Jeut keu Ketua MPU Aceh PAW Masa Bakti 2017-2022"
Post a Comment