Gara-gara Pawai Obor Tulak Bala, 8 Droe Peurangkat Gampong Jidrop Le Peulisi
Nasaja Berita - Lhokseumawe, That kanjai kiraju kalinyoe. 8 droe peurangkat gampong jibeureukah le peulisi bak malam Aleuhad baroesa, tanggai 28 buleun Maret.
Peurangkat gampong Cut Mamplam, Kecamatan Muara Dua, Kota Lhokseumawe nyan jipeuaman seubab geujak pawai obor lam masa wabah corona nyoe.
Geupeuugah le pak Kasa Reskrim Polres Lhokseumawe, AKP Indra T Herlambang bak uroe Seulanyan (30/3/2020) bunoe, hingga saat nyoe hana lom na nyang jeut keue tersangka lam hai nyoe. Dan peulisi mantong jipareksa dan jilhuek keulayi keue bhaih kasus nyoe.
"Kamoe akan meucok tindakan ateuh masyarakat nyang ka meulanggar atoran. Seubab ka uroe baroesa ka ta peuingat bak masyarakat," kheun Pak AKP nyan.
Keue alasan ureueng gampong geujak pawai obor nyan, seubab di ureueng gampong geupeucaya nyang bahwa deungo pawai nyan jeut keue saboh useuha tulak bala, wartee troh usem wabah atawa musibah lam masyarakat.
"Kasuih nhoe mantong lam penyelidikan peulisi untuk masalah kalon pu keuh na meulanggar atoran atawa nyan memang kajeut keue saboh kebiasaan lam gampong nyan," meunan bak geubrie keterangan le ak Kasat Indra nyan.
Le Pak Indra geulake deungon sangat bak perangkat gampong supaya beu geutem sosialisasi bak mandum massyarakat supaya bek that meuwet-wet. Dan bek le that meusapat-sapat sajan kawan ramee. Pu lom jak peusapat ureueng.
"Meunyo nyan jeut keu saboh kasuih nyang gara-gara nyan malahwabah corona nyoe maken brat, maka bisa ta drop ureueng nyan. Seubab na meu ato lam Pasal 14 ayat 1 UU no. 4 thon 1984 teuntang wabah penyaket menular, nyang keunong ancaman si thon penjara," meunan geupeujelas le Pak Indra.
Apa baca bak Anteroaceh bunoe, bak sira meuduek-duek sira meujep kupi ata geutagun le Da Mulah. Rupajih leubeh leumak kupi Da peugot daripada ata ta bloe bak keudee. Teuman sipu nyang kureung, rukok ka abeh. Suah jak dahoh bak ureueng di keue rumoh saknyoe sibak. Meup'iep sikhan, sikhan teuk keue eunteuk malam.
Keue poto, nyan ata di pulo Jawa. Aleh bogor aleh pat. Tan Appa tupat sit.
Keue poto, nyan ata di pulo Jawa. Aleh bogor aleh pat. Tan Appa tupat sit.
0 Response to "Gara-gara Pawai Obor Tulak Bala, 8 Droe Peurangkat Gampong Jidrop Le Peulisi"
Post a Comment