Gara-gara Corona, Peulisi Peububar Acara Pesta Kawen di Aceh Utara
Nasaja Berita - Lhokseumawe, Keubiet jimeubuet kalinyoe peulisi. Kon le pura-pura atawa meuayang-ayang. Bak acara pesta kawen sideh di Kecamatan Matangkuli, Aceh Utara, ji peububar kalinyoe. Alasan jipeububar acara na keuh untuk jiceugah bek sampe teusebar virus corona atawa COVID-19.
Dan memang ka awai ka jipeuingat. Bahkan le pak Kapolri langsong nyang peugah hai nyan. Ka leubeh sigo minggu nyang ka leupah ka jipeuingat, bek na nyang peuduek pesta kalinyoe. Bahkan bisa jibeureuah poe rumoh. Nyan dum gawat.
Jadi info jih ek sampe jipeububar nya, bak jak patroli beuklam untuk sosialisai bahwa ka berlaku jam malam di Aceh. Nyan hinan bucho rahsia, bahwa seulingoh jih na acara pesta bak saboh gampong di Matangkuli.
Meunan seulingoh jih, langsong jibeurangkat, seukiaran poh 11 uroe lewat siangen. Ban jikalon keubiet nyo lagee info. Na jame meu seureutoh droe. Kakeuh lagee haba nyan ju. Poe rumoh ngon Pak Geuchiek laju keunong seutrap.
Hai hana jidhet meudeh, jipeugah got-got. Jilake le peulisi untuk peububar acara. Pane jeut jak dhet-dhet ureueng beurangkahoe jinoe ka dame. Pu jameun masa konflik. Bak ta duek-duek keunong tampa.
“Jadi ta cok tindakan deungon ta meuhei poe rumoh dan geuchiek gampong. Ta peugah deungon got, ta broe penjelasan. ta lake le geutanyoe untuk peububar acara. om pih na dasar hukom jih dan ka jeulaih maklumat Forkopimda Provinsi Aceh,” kheun Kapolsek Matangkuli Iptu Asriadi bak wartawan, Seulanyan (30/3/2020) bunoe.
“Kamoe awasi keubiet-keubiet sampe beutoi-beutoi abeh geuwoe ureueng dum dari teumpat acara nyan." Meunan geupeujeulaih calitra le Pak peulisi nyan.
Jadi adak peulisi pih hana langsong ji woe ju, lheuh jipeuingat. Na ji duek sit bak rumoh nyan. Jipreh ureueng woe mandum.
Keue bhaih pu keuh na jiikot pajoh khanduri di awak peulisi nyan hom. Hana trok keunan info. Teuman ureueng gampong, jamee-jamee nyang ka trok teutap geupajoh pu nyang na ilee. Keucuali nyang ka leumoh jantong, meunan leumah peulisi, bu han lot le, ie han teu'uet le. Nyan salah droegeuh, keupu jak peuyo droe keue peulisi. Nasaja kiraju.
Apa meubaca bak Atjehwatch, awak nyan ata jikutip bak Detik.com sit.
Meunyo keue poto nyan ata keujadian di meurah Mulia. Jipeububar sit le peulisi. Meunan jituleh bak AJNN bunoe. Teuman Apa tuleh nyang saboh mantong. Pu le that teuman, h'an neutem baca mandum.
0 Response to "Gara-gara Corona, Peulisi Peububar Acara Pesta Kawen di Aceh Utara"
Post a Comment