Prabowo Calon Meuntroe Jokowi, Apa Karya: Nyan Cok!
Nasaja Berita – Banda Aceh, Mantan Meuntroe Pertahanan GAM, Teungku Zakaria Saman, kalinyoe han ék geutheun lé, suah meusu sit nyang beu lagèe na neukiraju, untuk bhaih pilpres 2019 baroesa nyan, supaya beujeut keu pengalaman.
Nyang ka leupah kheun keu syara saboh bansa, saboh agama, nyang ka meukheun kaphè, atawa awak ikot PKI, nyang ka rôh meukheun asoe nuraka atawa meukheun pu laén lom, kajeut lakè meu’ah ju.
Iroenyoe ka deuh dali, nyang bahwa, ureung nyang leupah geu pujoe awai lé ureung Aceh, nyan neukalön rupajih saboh lumbôi sit ngön nyang jibenci. That na teuh kiraju.
Iroenyoe ka deuh dali, nyang bahwa, ureung nyang leupah geu pujoe awai lé ureung Aceh, nyan neukalön rupajih saboh lumbôi sit ngön nyang jibenci. That na teuh kiraju.
Peukara nyoe geupeugah lé Apa Karia Saman, nibak uroe Lasa (22/10/2019) baroe.
Geupeugah lé Apa Karia, ureung Aceh ukeu nyoe bek lé lagè keuleudè ba kitab. Bak sang nah ka nyo that bak peugah haba bhaih peuliték kiraju. Nyan na jak bahu-bahu agama lom lam peukara pilpres.
Lagèe haba, meunyo meunang si A, mansaboh nanggroe Indoneh jeut keu kaphé, seudangkan meunyo meunang si B, mansaboh Indoneh jeut balék keu nanggroe Islam kaffah.
Lagèe haba, meunyo meunang si A, mansaboh nanggroe Indoneh jeut keu kaphé, seudangkan meunyo meunang si B, mansaboh Indoneh jeut balék keu nanggroe Islam kaffah.
“Nyan ta kalön, digeutanyoe ka ta meuantôk-antôk, ka tajak kheun pu nyang teusèt ju ata lam takue keu syedara teuh. Baroe, uroe Seulanyan (21/10/2019), Prabowo ka dijak u istana. Kajeut keu calon meuntroe. Nyan cok!,” kheun Apa Karia, lagèe na ju.
Geupeugah lom lé Apa, ukeu nyoe, cara seumiké ureung Aceh beumeutamah caröng bacut teuk, adak hana brat that, meubacut beumeutamah.
Bèk lé sampé ta tém ji hu-hu teuh lé ureung nyang peurupa-rupa droe malém, tapi lheuh nyan meu dijak peukachoe teuk ureung Aceh lam bhaih peuliték. Ureung Aceh harus na ileumè untuk teumilék nyang jroeh, nak sehat cara seumiké.
Bèk lé sampé ta tém ji hu-hu teuh lé ureung nyang peurupa-rupa droe malém, tapi lheuh nyan meu dijak peukachoe teuk ureung Aceh lam bhaih peuliték. Ureung Aceh harus na ileumè untuk teumilék nyang jroeh, nak sehat cara seumiké.
“Lam peuliték nyoe, top nyang seunang, ikot nyang meunang. Bek hana meupu sapue kajak ikot tarian gob meunari. Nyan uroe nyoe, pu bhah ka? Mantöng na peukara agama? Rupajih ka kön lagoe? Rupajih cuma peukara jabatan sagai, kön peukara agama,” kheun Apa Karia.
Lheuh nyan Apa geupeugah lom, ukeu nyoe beujeut keu peulajaran, bahwasajih ta meubida-beda lam bhah peuliték nyan biasa. Tapi bèk sampoe jak ba-ba agama u dalam bhaih nyan, keurana awak peuliték nyan kön nyan dijak piké ijih. Lam pikiran awak nyan sit nakeuh beumeureumpök kureusi.
“Bèk leumoe grôp paya guda cöt ikue. Gob mita kuasa, geutanyoe nyang karu,” kheun Apa. That geup'uep daih kiraju. []
Meunan Apa baca bak Acehtrend.com bunoe, keu gaya peugah teuntè beda, seubab nyang peugah nyoe seusama Apa. Nasaja kiraju.
0 Response to "Prabowo Calon Meuntroe Jokowi, Apa Karya: Nyan Cok!"
Post a Comment