Waled Husaini: Watè Ka Meunang Ka Hana Yum Kamoe, Kajak Let

Nasaja Berita - Banda Aceh, Lam kata sambutan nibak acara peunutopan MQK, atawa Musabaqah Qiraatul Kutub tingkat Kabupaten Aceh Rayek lam padum uroe ka u likot,  Waki Bupati, Waled Husaini A. Wahab geuteuöh saboh peukara nyang jinoe teungoh jeut keu saboh haba nyang viral meunyo kheun awak nyoe.

Karap rata keude kupi, bahkan lam blang ureung mariet peugah keu bhah nyan. Nyakni bhah kiban hubungan Waled seulaku Waki Bupati deungon Mawardi Ali seulaku Bupati jinoe siat. Brat ka karu rupajih. Sampe-sampe, lam kata sambutan nyan, Waled bahkan geu kuek bak mik keu wartawa seukalian geuyu tuléh beuraya-raya. Neu kalon ju lam video nyoe. Neucukéh ju bak gamba Video nyan, jijak keudroe jih. Hana suah neubuka yutub. Langsông itém sinan. Otomatih.

Meunyo neu keuneuk nonton punoh jeut sit, 5 minet sagai leubeh siangen. Teuma meunyo nyang simban that, bak minet keu 4 sampoe 'an akhé. Sep min dih neukiraju, simban lagee keunong teuom bak rueng.


Leupah icaih Waled Husaini, bahkan brat keu suah geurhém bèk rôh meupeugah laju-laju. Pantang ilhap geuh (lam artian emosi). Bèk neupiké ilhap lagèe ilhap lincah atawa ilhap ureung pungoe. That na teuh.

Nyoe hana panyang Apa tuleh keu berita, seubab leubeh mudah neucukeh ju bak Video nyang ka leumah di ateuh nyan untuk neu deungo keudroe kiban bak geukheun le Waled Husaini. Nyoe video ata bak youtube channel MARA ACEH, Teungku Tarmizi Thaib, atawa Meukuta Alam Raya Aceh na pesbuk geuh. Nyan rakan khem Waled Husaini bak keude kupi. Meunan meunurot info.

Nyan di Teungku Tar nyan ureung peudoli keu seujarah. Ukuran nah rap rata jrat geujak untuk eujak lhoh seujarah. Meunyo geueugah bak Apa sit rap tiep uroe tuhan geujak peugleh jrat, keuneuk mita taloe wareh kiban seujarah nanggroe nyang na di Aceh. Nanggroe Darussalam nyoe.

Nasaja kiraju. Pantang jilhap, lau jisambui.

Share this post