Teukeudi Na Umu Lôn Thôn Ukeu, Keubiet Lôn Puasa Uroe 'Asyura
Nasaja Berita – Bireuen, Puasa sunat nibak buleun Muharam sit ka saban saré ta teupu bahwa nyan saboh buet sunat nyang geuyu lam agama.
Teuman le ureung tanyoe seubab geuteupu nyan buet sunat, kakeuh adak hana pih hana meudalèh. Seubab bak geukira hanjeut keu dèsya meunyo hana geupuasa.
Rupajih na saboh kisah lam kitab ata geurawi lé ulama teuntang kiban keuh h'eut daripada Nabi geutanyoe Pang Ulèè Alam Muhammad Shallahu'laihi wasallam untuk geuteumè puasa nibak uroe siplôh buleun Muharam.
Brat that neuyue puasa le Nabi nibak uroe 'Asyura nyan. Sampe-sampé neukheun lé Nabi; "Teukeudi na umu long thôn ukeu, keubit-keubit long puasa nibak uroe 'Asyura"
Nyan ban neugalak le Nabi puasa nibak uroe nyan (teutapi Nabi leubèh awai wafeut, hana neurumpök puasa)
Lheuh nyan lom, kön uroe 'Asyura mantöng le Nabi neuyue puasa. Neuyue syit puasa le Nabi si uroe seugolom nyan (uroe Tasu'a, uroe sikureung) atawa siuroe lheuh nyan (uroe keusiblaih) mangat meubeda ngön puasa awak yahudi. Awak yahudi nyan jipuasa uroe 'Asyura sagai. Nabi neukheun; "Tapuasa lé gata mandum nibak uroe 'Asyura dan tapeubeda ngen puasa yahudi, tapuasa syit siuroe seugolom nyan, atawa siuroe lheuh nibak uroe nyan".
Nyan dum di Nabi geutanyoe. Teuman meunyo ka dum sidroe Nabi dum nan hawa keu puasa 'Asyura, di geutanyoe pu han hawa teuh? Meunyo hana hawa, nyan biet bangai kiraju.
Teungku Yusuf Aree (Gurèè di Dayah Umul Ayman Samalanga)
0 Response to "Teukeudi Na Umu Lôn Thôn Ukeu, Keubiet Lôn Puasa Uroe 'Asyura"
Post a Comment