Sithôn Seuteungöh Jithok Palè, Lah Puteh: Han Keumah, Taék Bandéng
Nasaja Berita - Jakarta, Anggota DPD RI daerah pemilihan Aceh nyang ka teupiléh baroesa lam pemilu, nyakni Abdulah Puteh ka meucaruh lom ngön peukara hukôm. Nyoe ka jithok palee le hakim 1,5 thon peunjara gara-gara jidakwa kasus penggelapan pèng ata Herry Aksmono, 350 juta rupiah.
Peugelap pèng kön beurarti geu cok pèng lheuh nyan geupeuduek lam supôt atawa geucèt wareuna itam. Peugeulap pèng nyan, peumeusom, lheuh cok hana pulang. Sang meunan, meunyo kön meunan, neupeugah nyang nyo jih kiban, mangat ta edit keulayi. Salah peugah, meuramah teuh seubab.
Herry nyan na keuh salah sidroe dari investor bak PT Woyla Raya Abadi, perusahaan ata Bang Lah Puteh.
Kasus nyoe phôn jih seubab na janji dua geuh antara Herry ngön Bang Lah Puteh untuk peuduek atasa tanom modal bak PT Woyla Raya Abadi nyan. Perusahaan nyan lam bideung bloe kayè sidéh di Kapuas Teungöh, Kalteng, Kalimantan. Lam perjanjian nyan PT Woyla nyan akan urôh masalah izin cok manfaat dari kayè lam uteun nyan.
Herry nyang kalheuh meuseutor pèng 7 Miliyar rupiah nyan eunteuk meureumpök untông dari cok manfaat kayè nyang kalheuh meukeubah bak gampông Barunang, Kapuas Tengah nyan.
Bang Lah Puteh lheuh nyan geulakè pèng 750 juta rupiah untuk jak urôh masalah Amdal atawa Analisis Mengenai Dampak Lingkungan. Teuman untuk jak urôh nyan peureulè biaya 400 juta. Dari 750 juta adak meudéh na leubèh 350 juta. Teuman ka hana geupulang lé.
Lheuh izin ka jiteubiet, Bang Lah Puteh pih hana geujôk pèng nyan bak Herry. Sampé-sampé lé Herry nyoe hanjeut jicok kayè nyang ka na nyan seukitaran 32 ribè kubék. Leupah le meunyo dumnan kayè. Jiteumè kaya teuh neukiraju nah.
Hinan keuh lé Herry jak lapor Bang Lah Puteh bak peulisi deungön tudôhan Lah Puteh ka geulakukan penggelapan. Memang nah, bah pih nan geuh Lah Puteh, tapi wareuna gelap siangen. Dan nyan kön saboh masalah lam kasus penggelapan. Bèk salah cok kesimpulan. Nasaja kiraju. Nyan ban calitra jih.
Dan kasus nyan ka jithok bak pengadilan. Dan keuputusan hakim 1,5 thon keu Lah Puteh duek lam peunjara. Teuman le Abdullah Puteh han geutem lagee nyan, akan geu ek bandeng. Seubab meunurot Lah Puteh, nyan kasus ka meuputa-puti, adak hakim pih ka meuhie mumang siangen bak jak putuskan Lah Puteh salah. Seubab awai kasus nyan kalheuh Perdata, ka meunan lah Puteh, tapi jinoe ka jigugat pidana, teuman kon hana cara. "Han keumah meunan, suah ta ek bandeng". Meunan lah kira-kira keusimpulan. Teuman nyan baro sikhan calitra, na seunambong jih. Keu kiban eunteuk ta panto keulayi.
Dan kasus nyan ka jithok bak pengadilan. Dan keuputusan hakim 1,5 thon keu Lah Puteh duek lam peunjara. Teuman le Abdullah Puteh han geutem lagee nyan, akan geu ek bandeng. Seubab meunurot Lah Puteh, nyan kasus ka meuputa-puti, adak hakim pih ka meuhie mumang siangen bak jak putuskan Lah Puteh salah. Seubab awai kasus nyan kalheuh Perdata, ka meunan lah Puteh, tapi jinoe ka jigugat pidana, teuman kon hana cara. "Han keumah meunan, suah ta ek bandeng". Meunan lah kira-kira keusimpulan. Teuman nyan baro sikhan calitra, na seunambong jih. Keu kiban eunteuk ta panto keulayi.
Meunan Apa baca bak Koran Serambi, Jeumeu'at 13/9/2019 baroe.
0 Response to "Sithôn Seuteungöh Jithok Palè, Lah Puteh: Han Keumah, Taék Bandéng"
Post a Comment