Kapaloe! Kasuih Thôn 2012, Bunoe Mantan Walikota Sabang Ka Jisak Lam Peunjara
Nasaja Berita – Banda Aceh, Alahai Pak Mantan Walikota, pu bhah idroeneuh ka jijak drop dan ji sak lam penjara. Teukeujöt-keujöt teuh pih.
Kejaksaan Tinggi Aceh bunoe uroe ka geujak sak mantan Walikota Sabang, Zulkifli Adam seulaku tersangka kasus dugaan korupsi bayeu tanöh meusigö ngön keuneuk peugöt rumoh dinaih keu guru di Sabang bak thôn 2012 uroe jéh.
Leupajh gura, thôn 2012 kasuih, inoehat barô jisak lam peunjara. Makajih teukeujöt teuh nah. Baroekön hoe ka awak paréksa, pu sibôk jiparéksa ureung laén ilè atawa ka teungeut. Alah hom. Ntang inti jih jinoe ka jiparéksa dan ka jisak geuh lam peunjara di Kajhu Aceh Rayek.
Bunoe lheuh jiparéksa dan jicek kesehatan Pak Wali nyan, laju ji hu geuh lam moto ji ba keudéh u Rumah Tahanan Negara, Kajhu, Aceh Rayek.
Geupeugah lé Pak Munawal nyang keurija bak Kejati (Kejaksaan Tinggi), tersangka nyan geusak lam peunjara mangat mudah bak geuparéksa. Bèk eunteuk ka geujak hoe laén han geutuhoe seutöt. Meunam sit keu barang bukti. Bèk eunteuk ka jipeupôt lé angen laôt.
"Tersangka ta pasoe geuh lam peunjara siat, mulai uroenyoe phôn sampoes 20 uroe ukeu eunteuk." Kheun Munawal nyan.
Meunurôt lheuh geupeutrön boh thèk-thok, na leubèh kureung 796 juta rupiah rugoe pèng neugara gara-gara ureung nyan. Dari jumlah anggaran 1,6 Milyar. Bak budik geuh seuteungöh harga lagoe,bacut kureung. Nyan ka Apa patéh hayeu bak proyek.
Seugolom jih Kejati ka jisita tanöh ata Pak Zulkifli Adam nyan, 2 boh sertifikat langsông untuk bayeu pèng neugara. Teuman nyang gobnyan teutap sit payah drop. Nasaja kiraju. Rupajih han meumada ngön pulang tanöh khong.
Meunan Apa baca bak AJNN nyang jituléh lé Tommy bunoe Asa uroe.
0 Response to "Kapaloe! Kasuih Thôn 2012, Bunoe Mantan Walikota Sabang Ka Jisak Lam Peunjara "
Post a Comment