Irwandi Yusuf: Seulama Nyoe Na Nyang Keuneuk Kudeta Lon Bak PNA
Nasaja Berita – Banda Aceh, Irwandi Yusuf seulaku keutua umum partai PNA (Partai Nanggroe Aceh) kalinyoe ka geumeusu seubab awak nyoe bak PNA ka jipeugöt rapat keuneuk gantoe keutua umum.
Meunurôt Irwandi nyan Majelis Tinggi Partai atawa MTP PNA hana hak ngön wewenang jak peupiyôh atawa peutren keutua umum.
Haba Irwandi nyan geupeugah dari sidéh lam peunjara atawa rutan KPK meulalui Sayuti Abubakar, seulaku kuasa hukôm Irwandi. Seuhingga Irwandi hana jiniet na putusan majeulih nyan. Geupeusampoe bak Serambinews, Jeumeu'at 6/9/2019, baroe.
"Bang Mex (Muksalmina atawa Irwansyah, keutua MTP PNA) ci baca AD/ART Partai ilè, pu wewenang atawa hak MTP nyan dan pu hak seureuta wewenang dari keutua Majeulih Partai nyan?" Kheun Irwandi meulalui Sayuti.
"Pu na meutuléh bak AD/ART atawa Undang-Undang partai peuliték. Hinan hana kewenangan MTP, meunyo na jeut, pubuet ju." Kheun Irwandi.
Siuroe seugolom jih (Hameh 5/9/2019) awak MTP ka jiduek rapat bak hotek Hermes dan cok keuputusan. Salah saboh jih nakeuh peupiyôh dan Irwandi Yusuf dari posisi keutua umum Partai nyan.
Irwandi geupeugah, hana kewenangan MTP, jadi hana geujak bôh pikè keu hasé rapat nyan. Dan jinoe lam pikéran droegeuh nyan, mantöng droegeuh Irwandi Yusuf nyang jeut keu keutua Umum Partai Nanggroe Aceh (PNA).
"Alhamdulillah, jinoe ka geubuka lé Allah ta'ala mandum masalah lam PNA. Pu-pu mantöng niet göt lam PNA ka teuhah. Meunan sit nyang seulama nyoe keuneuk kudeta lon pih ka teuhah, dan ka meusoe" Kheun Irwandi Yusuf nyang jinoe Gubernur non aktif Aceh.
Meunan Apa baca bak Mercinews. Ureung nyan geucok bak SerambiNews sang.
0 Response to "Irwandi Yusuf: Seulama Nyoe Na Nyang Keuneuk Kudeta Lon Bak PNA"
Post a Comment