Sidroe Warga Panton Labu Jibeureukah Lé BNN, 29 Kilo Sabu Lam Moto Honda Jazz
Nasaja Berita - Langsa, Salah sidroe warga Panton Labu Aceh Utara, Nazaruddin alias Nazar jibeureukah le awak BNN atawa Badan Narkotika Nasional RI di Langsa Baro, Kota Langsa uroe Rabu (30/7) di keue warong bu.
Nazar jibeureukah le awak BNN seubab jih sidroe bandar narkoba jeuneh sabu-sabu. Hai meunyo BNN nyang drop kon han mungken gara-gara jijak cue aneuk kameng, teutap meukaet ngon narkoba, meunyo kon sabu-sabu kakeuh ganja. Atra ka biasa meunan.
Meunurot info, hana kureung sagai sabu-sabu nyang jiteume dari si Nazar nyoe le awak BNN, 29 Kilo. ka jibungkoh lam dua boh eumpang dan jikeubah lam moto jaz jih.
jidrop seukitaran poh 2 cot uroe, di keu warong bu Renggali.
Info jihnyan sabu-sabu dum nan ata jikirem dari Malaya. "barang hareum nyan jijak cok ddan jiba langsong ngon kapai laot deungon jalur Pulau Pinang atawa Penang, Malaya meunuju Aceh Tamiang." Kheun awak BNNK di wilayah timu nyan.
Troh u darat, calitra gobnyan, sabu-sabu nyan jianggkot ngon moto jiba u Aceh Utaa untuk jikeubah ile lam gudang. danlheuh nyan baro ji ba u medan.
"Jinoe tim teungoh pareksa dan kembangkan kasus nyan, mangat ta teume awak laen nyang jeut keu pemain di kawasan panton Labu, Aceh Utara. Meusigo ju ta beureukah eunteuk." Kheun beliau nyan.
Meunan Apa baca bak AJNN ata jituleh le Asrul. Video na tom Apa kalon awak nyoe bagi bak pesbuk, teuman hana Apa tuhoe le ka.
0 Response to "Sidroe Warga Panton Labu Jibeureukah Lé BNN, 29 Kilo Sabu Lam Moto Honda Jazz"
Post a Comment