Waled Husaini: Hana Lon Teupu, Jadi Hana Lon Teupu Komentar Pih
Nasaja Berita - Banda Aceh, Waki Bupati Aceh Rayek, Teungku Husaini Abdul Wahab nyang seureng gemeuhei le ureung nyoe deungon nan Waled Husaini Seulimum geupeugah hana jipeuroh sapu bak cok keuputusan tham po pesawat teureubang nibak ure rayah haji nyoe di banda Sultan Iskandar Muda, Blang Bintang le Pak Mawardi Ali, seulaku Bupati Aceh Rayek.
"Lon hana jipeuroh teuket han jeut teureubang peusawat di Bandara Internasional Sultan Iskandar Muda Blang Bintang Aceh Rayek." Kheun Waled.
Nyan haba nyan geupeulheuh le Waled watee ka jitanyong le awak media bak Waled. Seubab dari tanggai 24 Juli baroe, Aceh ka heboh deungon surat edaran keputusan Bupati Aceh Rayek teuhadap PT Angkasa Pura II dan geularang bek na aktivitas di bandara atawa teureubang bak uroe raya haji. Deungon alasan syari'at Islam dan beu na istimewa lage di Bali.
"Lon hana lon teupu pih bhaih nyan, jadi hana lon teupu komen sapu." Sambong Waled Husaini.
Meunyo keuneuk peugah bhaih peudong syari'at Islam, kheun Waledd, mandum masyarakat Aceh Rayek dan Aceh pada umumjih pasti meudukung, hawa sit. Teuma adak meudeh meunyo na keubijakan kon geupeugah, beu na dari musyawarah dan mufarat jih.
"Tanyoe syukor that ka lahe lam Islam, dan rakyat Aceh pasti jidukong syari'at Islam." Tamah Waled.
Meunan Apa baca bak le that media nyang ka jipeu ek berita nyan ka baroesa ka. Bak AJNN na, Acehtrend na, Beritakini na, dumpat na. Nyoe bak Nasaja Berita baro na. Nasaja kiraju
Jadi lam bhaih tham po pesawat nyan, lam surat edaran Mawardi nakeuh sikhan uroe rsagai, dari poh 12 malam sampoe 12 uroe bak malam uroe raya. Pu keuh uroe raya puasa atawa uroe raya haji. Teuman nyang meuhie lucu siangen bak Apa, pakon geupeusaban ngon awak bali wate uroe raya Nyepi awak nyan. Seubab ubee Apa teupu nyang nan jih Nyepi nyan, sit han jeut leumah bak jalan. hanjeut leumah ureung bak jalan, keubiet beu seungu. Makajih nan jih nyepi, sepi meunan. Nasaja kiraju. Nyan pulang pike bak awak Aceh Rayek, na dewan dih sinan. Kiban nyang paih, nyang pokok jih beupaih.
Waled ngon Pak Mawardi pih beugot-got. Bek sampe karu sabe droe hana meupu. Kiban sit rencana keuneuk bangun nanggroe, meusabe droe han timang. Meunyo salah, neucut'iet ju sigo sapoe, mangat jithee droe. Tapi bek sampe beungeh. Meunyo beungeh, neugusuek bak ulee, sira neubaca qulhu. Biasa jih puleh. Seubab tom Apa tre bak si gam i rumoh.
0 Response to "Waled Husaini: Hana Lon Teupu, Jadi Hana Lon Teupu Komentar Pih"
Post a Comment