That Paih! Karu Bak Turnamèn Voli, Pemain Seumih Bola, Penonton Seumih Muka Pemain
Nasaja Berita – Bireuen, Alah ma beh teuh biet di awak tanyoe, bak meu'en voli rhet keu karu jimeulhö pemain sampoe 'an penonton.
Jadi lam padum uroe nyoe na turnamen tandéng voli di kecamatan Jangka, Bireuen. Teupat jih bak lapangan di gampông Alue Buya Pasi.
Baroe uroe Rabu supôt bak tanggai 31/7 nyan, nyang tandéng nakeuh tim Kuda Hitam Bugak Mesjid lawan Tim Elang Emas Cot Bada Barôh. Meunurôt info, awai talô awak Bugak 2 boh set phôn. Teuman bak dudoe ék jibalah sampé 2-2 bak set keu-4.
Nyang keuh bak set keu 4 nyan rhöt keu karu neukiraju. Hai ukuran awak meu'en lam lapangan sampé jak peucrok penonton. Teuman kön keubiet 'oe karu suah ta kheun meunyo nyan keujadian. Karap han meuteumè raba abèè neukiraju. That geusôh mien dih.
Meunurôt berita, phôn karu watè salah sidroe pemain cadangan dari Tim Kuda Hitam Bugak Mesjid jiprotéh hakim garéh, nyang peugah masôk bola awôt (out) nyang jiseumih lé awak Elang Emas. Watè jiprotèh nyan, jitulak hakim garéh. Teuman hana reubah geuh, meusurôt sagai. Meunyo reubah meuhambô ngön meupingkom hakim garéh sit hinan ju karu. Tapi kön hinan. Siat th'èh teuk lheuh nyan barô karu.
Lheuh keujadian protèh nyan, Teh Die seulaku pemain cadangan nyan kakeuh duek bak söt. Teuman nyang nan jih lapangan voli bak tanyoe, jarak pemain cadangan deungön penonton kön bacut sagai jarak, hai ukuran teucôm bè naphaih, nyan dum toe neukiraju.
Nyang keuh bak duek nyan, thum keunöng boh sôh pré ateuh muka Teh Die dari penonton. Teuman bôh pané ilè, kham khum ju. Keureupak keureupuk lam kawan ramè. Ka rôh penonton laén ju. Awak gampông pu haba teuman, panta g meucukéh, sép min dih. Hinan keuh pemain nyang lam lapangan, jipeucrok awak sôh lam kawan ramè
Meutheun lah meu'en voli nyan, sampé suah ju tren awak Polsek Jangka jipeuteunang. Aléh padum blah minèt, akhé ji lanjôt lom meu'en. Bak ujông calitra, èj ji peuseuri lé awak Bugak Mesjid, 2-2. Teuman seubab ka geubeut di seumijid kakeuh hana lé set keu 5. Jitunda ukeue eunteuk teuman saboh sét teuk.
Meunyo that jikarat meu'en bak sang na can geupeucrok lé Teungku Imum gampông nyan seubab ka meugreb. Na buet teuh lom.
Meunan Apa baca bak Dialeksis nyang geutuléh lé bang Fajri Bugak beuklam. Han neuoatéh neutanyóng bak Fajri Bugak langsông. Meunyo salah, beurati salah Apa. Nasaja kiraju, lheuh jiseumih bola voli, na meu'en seumih muka lom. That glie teuh.
0 Response to "That Paih! Karu Bak Turnamèn Voli, Pemain Seumih Bola, Penonton Seumih Muka Pemain"
Post a Comment