Jatah Pré Kantô Uroe Raya Tok 2 Uroe, Nyang Tamah Pré Keunöng Koh Gaji
Nasaja Berita – Banda Aceh, Surat edaran ateuh nan Gubernur Aceh teukaét hai pré uroe raya keu peugawè ka jiteubiet dari baroe uroe Hamèh (1/8).
Lam surat nyan jatah pré uroe raya haji kalinyoe tan leubèh dari 2 uroe. Nyan keuh ban, jadi hana pu neurencana woe u gampông abéh neuh. Meumada ngön video call meunyo na udép ureung chiek kajeut. Meunyo tan sinyal kakeuh neukirém do'a. Leubéh bak nyan pulang pikè bak droeneuh meunurôt kuasa. Paih ateuh baréh paih kiraju.
Lam surat deungön nomor 061.2/11844 nyan pré uroe raya haji nakeuh uroe Seulanyan 12 Agustus ngön uroe Lasa 13 Agustus. Surat edaran nyan meutèkèn tanggai 31 Juli. Teuman barô meuedar bak tanggai 1 Agustus baroe. Nyoe ka tanggai 2 saré.
Teuman kadang keupertimbangan seubab jeut neuwoe beuawai, uroe meugang ka pré keurija seubab uroe Sabtu, makajih ka kureung pré di keue. Uroe tasyrek hanjeut puasa sagai, kön hanjeut keurija. Makajih kadang hana geupeupré le. Kadang. Adak jak si kureubeun ka abéh mandum bak uroe phôn. Nyan mandum haba kadang dari Apa. Kön haba surat. Bèk salah meuphôm eunteuk ka neujak peugah Nasaja Berita peu ék hoax, ku cut'iet neuh.
Geuharapkan lé pak Plt. Gubernur Aceh, deungön ka na surat edaran meunan maka nyang nan jih peugawè bak kantô pomerintah, pu kyh tingkat propinsi atawa kabupatèn kota beuseumatéh.
Nyang brat buet lom, seubab nyoebuleun Agustus, bak tanggai mrah awak nyan wajéb jak hormat bendera, bak tanggai 17 Agustus eunteuk. Nyan ban neukiraju.
Geupeugah lé Kepala Biro Humas dan Protokol Sekda Aceh, Rahmat Raden, meunyo na kalinyoe nyang jioeubatat-batat droe akan jikôh pèng makan ngön TPK (Tunjangan Prestasi Kerja). "O jeulaih akan ta koh pèng makan dan TPK. Kön buet meuayang nyoe." Kheun Pak Rahmat deungön teugaih.
Meunan Apa baca bak AJNN ata geutuléh lé bang Rahmat Fajri.
0 Response to "Jatah Pré Kantô Uroe Raya Tok 2 Uroe, Nyang Tamah Pré Keunöng Koh Gaji"
Post a Comment