GeRak Lakè Polda Supervisi Kasus Dugaan Ijazah Palsu Caleg Teupiléh DPRK Aceh Tamiang
Nasaja Berita – Banda Aceh, Gerakan Anti Korupsi (GeRAK) Aceh meulakè peulisi (Polda) Aceh untuk brie dukongan atawa supervisi teukaét kasus nyang jiduga ijazah palsu caleg DPRK teupiléh peridoe 2019-2024 di Aceh Tamiang dari Partai Nanggroe Aceh (PNA) deungön inisial SA. Seugolom jih kalheuh meulapor bak Polres seutempat Aceh Tamiang.
Permohonan supervisi ka lheuh grupeutrôk lé ureung GeRAK Aceh melalui surat nyang ka geujak intat u Direktorat Reserse Kriminal Khusus (Ditreskrimsus) Polda Aceh, Seulanyan baroe (5/8/2019).
GeRAK geubrie padum-padum boh hukom untuk meudukông keurija Polda Aceh mangat ék geuingkap fatka ateuh laporan nyang ka na nyan.
Geupeugah léKoordinator GeRAK Aceh, Askhalani, meudasar bak laporan masyarakat bak GeRak teukaét jingui ijazah palsu nyan na hal-hal nyang meulanggar hukôm lé terlapor (Caleg nyang jimeukeusud).
Lam hai nyoe, kheun Askhalani, terlapor nyan jiduga ngui ijazah palsu tingkay SMP nyang jipeuteubiet lé Yayasan Persatuan Guru Taman Siswa Cabang Kisaran Taman Dewasa (SMP) Taman Siswa Kisaran thôn ajaran 1982/1983.
"Hasé kajian dokumen nyang jipeusampoe nyan bahwa jeut kamoe cok keusimpulan na dugaan ngön unsur buet nyang meulanggar hukôm (Perbuatan Melanggar Hukum/ PMH) nyang jipeulaku lé terlapor khususjih seubab ijazah palsu dari Yayasan nyang ka taseubôt nyan. Kheun Askhlani, Lasa (6/8)
Geupeugah lé Askhalani, keu bhaih nyoe kalheuh meulapor seucara resmi bak Polres Aceh Tamiang lé Edi Surianto bak tanggai 23 Mei baroesa, dan geuteurimöng langsông lé Kasat Reskrim Polres Aceh Tamiang, Iptu Dimmas Adhit Putranti, S.IK.
"Peukara nyoe kalheuh meuteumè perhatian dari tim Polres Aceh Tamiang, nyakni jiusut dan jiseulidék teuhadap nyang teulapor, dan kalheuh sit jiparéksa meupadum droe pihak atawa saksi." Kheun gobnyan.
Seubab meunurôt keterangan pelapor sidéh, lengkap deungön bukti, nan SA nyan hana meucatat lam dokumen seubagoe ureung ikôt EBTA (Evaluasi Belajar Akhir Tahun) bak SMP nyan thôn 1982 bak tanggai 18 November. Meunyo jinoe Ujian Akhir Sekolah jikheun (red). Nyang na lam data nyan, 25 droe sisa, 15 agam, 10 droe inöng.
“Hai dari dokumen peserta EBTA nyan terlapor hana rôh teucatat untuk ikôt ujian." Lanjôt Askhalani.
Seubab hai nyan keuh GeRak meulakè harapan ngön perhatian bak Polda Aceh untuk jeut geuungkap kasus nyan sampoe abéh.
Peubèrèh kasuih nyan salah saboh hai nyang peunténg. Seubab untuk meubrie kesamaan dan rasa keuadilan di muka hukôm. Pu lom nyang teulapor nyoe nakeuh caleg teupiléh nyang jiusông lé PNA.
"Meunyo peukara nyoe hana respon nyang bagai ngön profesional makan akan timöh masalah ukeu, lagè multi tafsir nyang akan meupeungarôh lam keurija anggota DPRK Aceh Tamiang periode 2019-2024. Makajih Polda Aceh payah supervisi jak tangani peukara nyoe nyang teungöh jipubuet lé Polres Aceh Tamiang." []
Meunan Apa baca bak Klikkabar nyang jujur mengabarkan. Ata geupeuék lé bang Muhammad Fadhil.
0 Response to "GeRak Lakè Polda Supervisi Kasus Dugaan Ijazah Palsu Caleg Teupiléh DPRK Aceh Tamiang"
Post a Comment