Innalillah, Ulama Syik Indoneh, K.H Maimoen Zubair Meuninggai di Mekkah
Nasaja Berita – Mekkah, Innalilillahi wa inna ilaihi raji'un, salah sidroe ulama syik di Indonesia, K.H. Maimoen Zubair ka geuwoe bak Allah ta'ala.
Kiyai Maimoen Zubair nyang akrab tanyoe sapa Mbah Moen meuninggai sidéh di Mekkah. Mbah Moen thôn nyoe teungöh neupeubuet ibadah haji.
Mbah Moen di tanöh Jawa, jithè seubagoe ulama nyang that malem dan chiek that ka. Umu Mbah Moen leubèh kureung 90 thôn lam donya. Lahé nibak tanggai 28 Oktober 1928. Meuninggai di rumoh sakét An-noor (meunyo hana salah nan) Mekkah al Mukarramah. Meunan ka jipeuék berita bak Detik dan portal berita laén-laén lom.
Mbah Moen awai na geujak bet trôh u Arab, bahkan aneuk-aneuk Mbah Moen pih beurtoh malém dum neukiraju. Nyankeuh nyan salah sidroe labang donya di neugara Indonesia Raya nyoe.
Mbah Moen lam donya peuliték neuduek bak kureusi Keutua Majeuliu Syariah Partai Persatuan Pembangunan atawa PPP.
Nyan keuh nyan asoe syiruga. Ulama syik di neugara Indonesia. Teupat jih di Sarang Rembang Jawa Tengah. Jithè lé donya dum töh malem.
Ta meudo'ah, ta seudeukah alfatihah meusigö trôh sapoe teuh keu ulama. Bah meuteume syafa'at sit keu geutanyoe nyang meudo'a.
0 Response to "Innalillah, Ulama Syik Indoneh, K.H Maimoen Zubair Meuninggai di Mekkah"
Post a Comment