Rumoh Bantuan Baitul Mal di Lhokseumawe Tutong, 2 Boh Honda Phak
Nasaja Berita - Lhokseumawe, Rumoh Teungku Syama'un ureung gampong Alue Awe, Kecamatan Muara Dua, Kota Lhokseumawe, beuklam (Alehad, 21/7) abeh tutong seukitara poh 2 malam. Gara-gara tutong nyan, seulaen rumoh, honda-honda tinggai rungka tok neukiraju. Leupah weuh teuh.
Rumoh Teungku Syama'un nyan nakeuh rumoh bantuan dari Baitul Mal.
Meunurot geupeugah le Ketua Tagana, Tanggap Darurat Bencana, Samsul Bahri, Syama'un nyang umu gobnyan ka 42 thon nyan keurija bak dinaih sosial Lhokseumawe, seubagoe ureung jaga gudang Dinsos. Wate keujadian nyan Syama'un sideh bak gudang. Nyang tinggai di rumoh nakeuh purumoh geuh ngon meulinte.
"Wate keujadian tutong nyan ureung nyoe ka cogr'o teungeut geuh. Pah teukeujet, ubee raya ka jibeudoh apui, sampe bubong rumoh ka pajoh le apui. Kakeuh geupeusiblah droe sagai." Kheun Samsul Bahri
Meunurot dugaan, apui jih dari korslet listrek, apui bagah that jiseumajoh. Na troh moto pemadam kebakaran, untuk jak peueulamat rumoh nyan. Teuman hana seulamat. Bantuan dari ureung lingka pih na.
"Bantuan masa panik kalheuh ta salurkan, teuman ureung nyang meungungsi na nam droe jiwa. Kheun bang Samsul.
Meunan Apa baca satnyo bak AJNN nyang geutuleh le Kak Sarina.
Semoga ini jadi pelajaran bagi kita semua untuk selalu hati hati agar tidak terjadi lagi hal seperti ini lagi
ReplyDeleteberita cpns