Asai Ka Sabtu Minggu Leupah Jai Moto Plat Mirah Dari Aceh Jak u Medan
Nasaja Berita - Banda Aceh, Tiep akhee uroe lam si minggu (Sabtu-Minggu), le that moto plat mirah asai Aceh nyang leupah u wilayah Medan, Sumatera Utara. Nyan keu ketengarang ngon alasan tan jeulaih dum.
Meunan geusampaikan le Keupala Bidang Pengawassan Syari'at Islam Satpol PP dan WH Aceh, Aidil Kamal watee jeut keu pemateri bak acara Loka Karya Ulama Bidang Muamalah MPU Aceh di kanto MPU uroe Lasa (16/7).
"Leupah jai moto-moto plat mirah nyang jak u Medan deungon tan na alasan nyang jeulaih." Kheun Aidil.
Fenomena moden nyan, kheun beliau nyan, ta teupu watee lheuh meurazia di daerah perbatasan Aceh-SUmut lam padum uroe u likot. Razia mendadak ta peugot, na roh TNI ngon Peulisi sit. Seungaja geupakat.
Watee razia nyan, meuploh boh moto pat mirah lewat lam kawasan nyan dan jiseutop le peutugaih.
Watee jiseutop,lanjot, Pak Aidil, nyan awak-awak peujabat nyan hana meupu jaweub dum, meunan sit watee jilake surat tugaih u lua daerah dari kanto pat geukeurija, sit ka tan ju.
"Kamoe hana meudrop, teuman cuma meujak pareksa keudroe pu beutoi lagee laporan masyarakat dum, rupajih keubiet nyo neukiraju. Meuploh boh kasuih lagee nyan ta teumeung." Kheun gobnyan.
U keue teuman, razia-razia moden nyan peurle beuseureng-sureng lom ta peugot, mangat jeut ta drop ngon tabina.
"WH di perbatasan haroih leubeh kong lom, pu keuh kualitaih anggota WH, meunan sit kuantitaih, beu leubeh rame lom. Mangat jeut ji keurija." Kheun Aidil.
Meunan Apa baca bak Kanal Aceh nyang geutuleh le Randi beuklam. Meunyo salah berita, kon salah Apa, teuman meunyo salah lam basa Aceh baro salah Apa beh. Nasaja kiraju.
0 Response to "Asai Ka Sabtu Minggu Leupah Jai Moto Plat Mirah Dari Aceh Jak u Medan"
Post a Comment